काठमाडौँ, ७ मङ्सिर
कलाकार गोपाल भुटानीको आज बिहान ११ बजे उपचारका क्रममा जनमैत्री अस्पताल, बालाजुमा ७८ वर्षको उमेरमा निधन भएको छ ।
उनी लामो समयदेखि क्यान्सर रोगबाट पीडित थिए । अहिले स्वर्गीय भुटानीको शवलाई अस्पताल परिसरमै राखिएको र कलाकारहरु उनीप्रति श्रद्धाञ्जलि दिन आइरहेको अस्पताल स्रोतले बताएको छ ।
उनको बौद्ध परम्पराअनुसार आजै अन्त्येष्टि गरिनेछ ।
करिब पाँच दशकदेखि नेपाली चलचित्रमा अभिनय गर्दै आउनुभएका भुटानी द्वन्द्व निर्देशकका रुपमा चर्चित थिए ।
रासस