परासी, ६ मङ्सिर
नवलपरासीमा प्रहरीले विद्यार्थीमाथि दुव्र्यवहार गरेको जनाउँदै विद्यार्थीले आज जिल्ला प्रहरी कार्यालय अगाडि विरोध प्रदर्शन गरेका छन् ।
ट्राफिक प्रहरीले विद्यार्थी चढेको गाडीमा हातपात गरी दुव्र्यवहार गरेको जनाउँदै विद्यार्थीले जिल्ला प्रहरी कार्यालयको मूलद्वारमा विरोध प्रर्दशन गरेका हुन् ।
पाल्ही बहुमुखी क्यापसका विद्यार्थीको अगुवाइमा गरिएको विरोध प्रदर्शनमा दुई घन्टासम्म जिल्ला प्रहरी कार्यालयको मूलद्वारमा प्रदर्शन गरी घेराउसमेत गरेका थिए ।
गत शनिबार पाल्ही बहुमुखी क्यापसका विद्यार्थी मौलाकालिकामा पिकनिक गई फर्कने क्रममा जिल्लाको कावासोतीमा ट्राफिक प्रहरीले उनीहरु चढेको गाडी रोकी दुव्र्यवहार गरी सवारीसाधन केही समय नियन्त्रणमा लिएको विद्यार्थीको अरोप छ ।
प्रहरीले गरेको यस गल्तीको ट्राफिक प्रहरीले विद्यार्थीसमक्ष माफी माग्नु पर्ने अन्यथा थप आन्दोलन गर्ने जनाइएको छ ।
तर यसबारे जिल्ला प्रहरी कार्यालयले भने उनीहरुमाथि दुव्र्यवहार नगरी विद्यार्थी बसको छतमा बसी यात्रा गरेकाले उक्त सवारीसाधनलाई केहीबेर नियन्त्रणमा लिई छाडिएको प्रतिक्रिया दिएको छ ।