दुर्घटनामा परी मन्त्रीको हात भाचियो

पर्सा (वीरगञ्ज), ४ मङ्सिर

भौतिक योजना तथा निर्माण सहायकमन्त्री कलावती पासवान सवारी दुर्घटनामा परी घाइते हनुभएको छ ।

काठमाडौँबाट बारास्थित आफ्नो घरतर्फ आइरहेको बेला उनी दुर्घटनामा परेकी हुन् । उनको हात भाँचिएको छ । टेम्पोलाई ‘साइड’ दिने क्रममा जितपुर र परवानीपुरको बीचमा उनको गाडी दुर्घटनामा परेको हो ।

सहायकमन्त्री पासवानको वीरगञ्जस्थित एडभान्स मेडिकल सेन्टरमा उपचार भइरहेको छ । प्रहरीले टेम्पो र त्यसका चालकलाई नियन्त्रणमा लिइएको छ । रासस