काठमाडौँ, ३ मङ्सिर
नेपाली माओवादीले भारतीय माओवादीलाई तालिम प्रतिक्षण दिइरहेको भनी नेपाल सरकारलाई भारतीय पक्षबाट लेखिएको पत्र सार्वजनिक गर्न नमिल्ने परराष्ट्र मन्त्रालयले जनाएको छ । व्यवस्थापिका–संसद अन्तर्राष्ट्रिय सम्बन्ध र मानव अधिकार समितिको आजको बैठकमा परराष्ट्र मन्त्रालयका सचिव मदनकुमार भट्टराई दुई देशबीचको सम्बन्ध अन्तर्राष्ट्रिय कूटनीतिक लेखापढीको मर्यादालाई दृष्टिगत गरी सो पत्र सार्वजनिक गर्न नहुने लिखित जानकारी दिए ।
सचिव भट्टराईले सो पत्र गृह मन्त्रालयमा भारतीय राजदूतले बुझाएका हुँदा गृह मन्त्रालयसँग समन्वय गरी अनुसन्धान भइरहेको समेत जानकारी दिए । भारतीय पक्षबाट लेखिएको सो पत्रमा व्यहोरासहित बैठकमा उपस्थित भई जानकारी दिन समितिले उपप्रधानमन्त्री एवम् परराष्ट्रमन्त्री सुजाता कोइरालालाई आज बैठकमा आमन्त्रित गरेको थियो । दुई देशबीच दूरगामी असर पार्ने अत्यन्तै महत्वको विषयमा समितिले आमन्त्रण गर्दा समेत उपप्रधानमन्त्री कोइराला बैठकमा उपस्थिति नहुनु भएको भनी बैठकले दुःख व्यक्त ग¥यो ।
पत्रमा लेखेका विषयमा सरकारको सम्बन्धित निकायले अध्ययन गरिरहेको छ र हाल अध्ययनको क्रममा रहेको विषयबारे केही भन्न नसकिने भएकाले सोही अनुसार बुझीदिन सभासद्समक्ष अनुरोध गरिएकोथियो ।
बैठकमा एनेकपा (माओवादी)का सचिव सिपी गजुरेलले नेपालको राजनीतिक गतिरोधको सम्बन्धमा भारतीय भूमिका छ कि भन्ने आशङ्का र चर्चा भइरहेको बेला माओवादीले तालिम दिएको विषय उठाउनुलाई गम्भीररुपले हेरिनुपर्ने वताए ।
0
0
