विराटनगर, ३ मङ्सिर
मोरङ जिल्लाको तेतरियाबाट विराटनगरतर्फ आइरहेको को१त ५७५१ नम्बरको ट्र्याक्टर आज झोराहाटमा दुर्घटना हँदा एकजनाको मृत्यु भएको छ ।
ट्र्याक्टर अनियन्त्रित भई नालामा पल्टी दुर्घटना भएको हो । दुर्घटनामा परी मृत्यु हुनेमा ट्र्याक्टरका सहचालक दिनेश ऋषिदेव रहेका छन् ।
अर्का सहचालक तुलसी उराव सामान्य घाइते भएको र उनको स्थानीय कोशी अञ्चल अस्पतालमा उपचार भइरहेको जिल्ला प्रहरी कार्यालय मोरङले जनाएको छ ।
रासस