पर्वमा लामो समय विदा लिने प्रिन्ट मिडियाको मनोपोली सवैभन्दा नकारात्मक पक्ष हो । नेपालमा दुई चार वटा ब्यवसायिक पत्रिकाको मात्र वोलवाला छ, पुहँच छ । यस्तो अवस्थामा मिडिया वन्द गर्नु पाठकलाई सुचनावाट वञ्चित गर्नु हो ।
नारायण शर्मा अध्यक्ष नेपाल प्रेसकाउन्सिल
नेपालमा लामो विदा लिने नराम्रो प्रवृति छ । नेपाली समाज उत्पादनमुखी भन्दा परम्परावादी सोचवाटै चलिरहेको छ । काममा समर्पित भएर लाग्ने र त्यसैमा रमाउने संस्कार विकास भएको छैन । अरु क्षेत्र झैं पत्रकारिता क्षेत्र पनि यसरी नै चलिहेको छ । लामो समय मिडिया वन्द गर्नु हुदैन । 
अत्यावश्यक विदामा कसरी कामलाई निरन्तरता दिइरहने भन्ने मिलाउनु पर्दछ, ईलेक्टोनिक्स मिडियाले झै । इलेक्टोनिक मिडियाहरुले दशै पर्वमा कम खोजी र सामान्य समाचार दिएर पनि मिडियालाई निरन्तरता दिइरहेकैछन् । जवकी पत्रपत्रिका मुल्याङकन र राष्ट्रिय स्तरमा गनिन वार्षिक ३ सय अंक र साप्ताहिक ४० अंक निकाल्नु पर्ने मापदण्ड पनि छ ।
जनताको करवाट चलेका सरकारी मिडिया एक एक हप्तासम्म वन्द गर्नु राम्रो होइन । जनतालाई सुचना दिन सरकारी मिडियामाथि ब्यवसायिक मिडियाको भन्दा वढी दायित्व छ । सरकारी मिडियामा लामो विदा लिने विषयमा अझ गम्भीर हुनुपर्दछ तर त्यो भएकै छैन ।
संस्थावाट नियमअनुसार पाउने विदामा पत्रकार स्वंयले पेशागत क्षेत्रमै उपयोग गर्ने मौका पनि हो । लामो विदामा पत्रकारले केही गर्ने मौका पनि पाउँछ , त्यो पक्ष राम्रो भएपनि विदाको सदुपयोग गर्न पनि सिक्नु पर्दछ । त्यो देखिदैंन ।
मिडिया समावेसी भएकोभए लामो विदामा वन्द गर्नुपर्ने अवस्था हुदैन थियो । आलोपालो गरी पत्रकारहरु विदामा वस्न सक्थे , अहिले त कहिले दशै आउला र लामो विदा वस्न पाइला भन्ने पर्खेरे वसेका हुन्छन् पत्रकारहरु, यो राम्रो होइन । पर्व सवैले मनाउनु पर्दछ । तर काम र पेसागत धर्म नै छोडेर चाहि होइन ।
कतिपय मिडिया दशैका लागि नै जन्मिएका हुन्छन् । पर्वमा निकै सक्रियतासाथ चलाउने र विज्ञापन लिने प्रवृति पनि छ । तर सवैलाई यही सुचिमा राख्न सकिन्न । समग्रमा मीडियालाई परम्परागत ढर्राबाट चलाउने कि परिवर्तित समय अनुरुप चलाउने भन्नेमा बहस चलाउनु जरुरी छ ।
गोविन्द लुइँटेलले गरेको कुराकानीमा आधारित
0
0
