ध्रुव पौडेल
बेइजिङ, २ कात्तिक
औद्योगिक सहर साङघाईमा साढे पाँच महिनाअघिदेखि सुरु भएको वल्र्ड एक्स्पोअन्तर्गत सञ्चालित नेपाली मण्डपको ७० लाखभन्दा बढीले अवलोकन गरेका छन् । एक्स्पो सुरु भएको एकसय एकहत्तरौं दिन हिजोसम्म ७० लाख आगन्तुकले नेपाली मण्डपको अवलोकन गरेका नेपाली मण्डपका निर्देशक विनायक शाहले बताए । एक्स्पोमा नेपाली मण्डमा अन्य देशका दस उत्कृष्ट एवम् लोकप्रिय मण्डपमा पर्न सफल भएको जनाए ।
निर्देशक शाहका अनुसार नेपाली मण्डपले मुलुकको कला र संस्कृतिको प्रचारप्रसारका अतिरिक्त नेपाल भ्रमण वर्ष–२०११ र आगामी पुसमा काठमाडाँैमा आयोजना हुने पाँचदिवसीय दक्षिण एसियाली क्षेत्रीय सहयोग सङ्गठन (सार्क) व्यापार मेलाको प्रवद्र्धन गरिरहेको छ । विजयादशमीको अवसरमा नेपाली मण्डपमा विविध सांस्कृतिक कार्यक्रम आयोजना गरिनुका साथै पाओशान जिल्लामा अवस्थित पाओशान अन्तर्राष्ट्रिय लोककला प्रदर्शनी केन्द्रमा हिजोदेखि नेपाल कला प्रदर्शनी सुरु भएको छ ।
एक्स्पोमा नेपाल ‘इम्प्लिमेन्टिङ एक्सपर्ट ग्रुप’ले नेपाली मण्डपको स्थापना एवम् सञ्चालन गरिहेको छ ।
0
0
