विरही रिजाल
यूएई १५ अक्टोवर
भलिबल खेलेर कोठामा फर्केका अबुधाबी नेशनल होटलमा कार्यरत कास्की जिल्ला शार्दीखोला ९ का २६ वर्षीया पूर्ण बहादुर वि.क.को १२ अक्टोवर २०१० का राती मृत्यू भएको छ । सोही कम्पनीमा कार्यरत दिलविक्रम लिम्बूका अनुसार, सोही बेलुका साथीहरुसग खाना खाइ सुतेका उनी सदाका निम्ति सुते । उनको मृत्यू हृदयाघातबाट भएको बताइएको छ ।
उनका छिमेकी गुञ्जमान गुरुङ्गका अनुसार उनी यूएई आएको भर्खरै सात महिना मात्र भएको र उनको घरमा बाबुआमा, श्रीमती र छोराछोरी रहेका छन् । उनी बाबुआमाका एक्लो छोरा हुन् ।
नेपाली दूतावासको तथ्यांकमा १ लाख पच्चीस हजार नेपालीहरु कार्यरत रहेको यूएईको इतिहासमा मृत्यूको दर पनि प्रतिदिन बढीरहेको छ । जनसंख्याको आधारमा मृत्यूदर प्रतिमहिना ९ जना रहेको तथ्यांक नेपाली दूतावास यूएईले सार्वजनिक गरेको धेरै समय भएको छैन । यो संख्या दिनानुदिन तीब्र रुपमा बढ्दैछ ।
वर्षदिनको दशैंको खुशियाली मनाउने बेलामा मृत्यूका खबर बारम्बार सुन्दा यूएईबासी नेपालीहरु शोकमग्न भएका छन् ।
गोर्खाली अनलाइन डटकमबाट