काठमाडाँ, २१ असोज
गृह मन्त्रालयले सप्तकोसी बाढी पीडितहरुको राहतका लागि जिल्ला दैवी प्रकोप उद्धार समिति
सुनसरीलाई रु एक अर्ब ६० करोड पठाएको छ ।
गृह मन्त्रालयका सहप्रवक्ता प्रल्लाद पोख्रेलका अनुसार सो रकममध्ये हालसम्म रु. ९४ करोड ५३
लाख १६ हजार ६३० पीडित परिवारलाई वितरण गरिसकिको छ । उक्त वितरित रकमबाट पाँच हजार
७५३ जग्गाधनी लाभान्वित भएका छन् ।
उक्त रकम घरजग्गा र बालीबापतको क्षतिपूर्ति तथा वेघरवारका लागि जग्गा खरिदमा खर्च
भएको मन्त्रालयले जनाएको छ ।
विसं २०६५ भदौ २ गते सप्तकोसीको बाँध भत्किई आएको बाढी एवं डुबानबाट सुनसरी जिल्लाका
विभिन्न गाउँ विकास समितिका बस्तीहरु प्रभावित भएका थिए ।
रासस