काठमाडौँ, २१ असोज
सिङ्गापुरमा जारी एसियाली क्रिकेट परिषद् (एसिसी) महिला १९ वर्षमुनिको क्रिकेट
च्याम्पियनसीपमा नेपालले लगातार तेस्रो जीत हात पारेको छ । त्यहाँस्थित योकेर क्रिकेट मैदानमा भएको प्रतिस्पर्धामा नेपालले सिङ्गापुरलाई ७० रनले पराजित गरी सेमिफाइनलको यात्रा सहज बनाएको छ । समूह क को प्रतिस्पर्धामा अपराजित नेपालले ६ अङ्क बनाएको छ ।
टस जिती पहिले ब्याटिङ गरेको नेपालले निर्धारित २५ ओभरको खेलमा दुई विकेटको क्षतिमा १५९ रन बनाएको थियो ।
सिङ्गापुर १६० रनको फराकिलो चुनौती पच्छयाउने क्रममा २८ ओभर खेल्दै नौ विकेट गुमाएर ८९ रनमा समेटियो । नेपालका लागि ६२ रन बनाउन सफल मनीषा रावल अन्तरराष्ट्रिय क्रिकेट प्रतियोगितामा
अर्धसतक बनाउने पहिलो खेलाडी बनेका छन् । नेपालका लागि टोली कप्तान नेरी थापा ४७ रन दुई विकेटको योगदान गरी खेलमा प्लेयर अफ द विमेन घोषित भए ।
नेपालको तर्पmबाट बलिङतर्फ रुविना क्षेत्री दुई, गीता चुडाल र सोनु खड्काले समान एक-एक विकेट लिए भने ब्याटिङतर्पm सीता रानामगर र समिता मगरले समान १३ रन बनाए । सिङ्गापुरका लागि कप्तान प्रियाञ्जली जैन ३० र भिर्ती सेथीले ४४ रन बनाए ।
खेलतालिका अनुसारसमूह क को अन्तिम प्रतिस्पर्धामा नेपालले शुक्रबार कतारसँग प्रतिस्पर्धा गर्नेछ । नेपालले यसअघि हङकङलाई ७९ रन र कुवेतलाई सात विकेटले पराजित गरेको थियो ।
रासस
0
0
