काठमाडौँ, २० असोज ।
वर्तमान राजनीतिक अन्यौलताको अन्त्य, सत्ता साझेदारी, शान्ति र संविधान लेखनको
सुनिश्चितताका लागि सहमति जुटाउन बसेको प्रमुख तीन दलका शीर्ष नेताको बैठक आज पनि
बिनानिष्कर्ष टुङ्गिएको छ ।
नेकपा (एमाले) संसदीय दलको कार्यालय सिंहदरबारमा बसेको बैठकमा सहमतिका लागि
बैठकलाई निरन्तरता दिने कुरामा भने दलहरुबीच सहमति भएको छ ।
बैठकमा एकीकृत नेकपा (माओवादी)ले प्रधानमन्त्रीको उम्मेदवारी फिर्ता लिएर सहमति गर्न
नेपाली काँग्रेसलाई आग्रह गरेको र काँग्रेसले शून्यतामा उम्मेदवारी फिर्ता नलिने अडान राखेको थियो ।
माओवादीले पहिला गरेको प्रतिबद्धता र सहमतिको पालना गर्नुपर्ने र शान्तिप्रक्रियालाई
निष्कर्षमा पु¥याउने विषयमा प्याकेजमा सहमति हुनुपर्ने काँग्रेसको धारणा रहेको थियो ।
बैठकमा एकीकृत नेकपा (माओवादी)का अध्यक्ष पुष्पकमल दाहाल, उपाध्यक्षद्वय डा बाबुराम
भट्टराई र मोहन वैद्य, नेपाली काँग्रेस संसदीय दलका नेता रामचन्द्र पौडेल, नेता विमलेन्द्र निधि, नेकपा (एमाले)का अध्यक्ष झलनाथ खनाल, सचिव विष्णु पौडेल, नेता भरतमोहन
अधिकारीलगायतका नेता सहभागी थिए ।
रासस