काठमाडौँ, १९ असोज
एकीकृत नेकपा (माओवादी)का अध्यक्ष प्रचण्डले एमाओवादी र एमालेले मैदान छोडेपछि पनि काँग्रेस एक्लै मैदानमा बसिरहनु लोकतन्त्र र संसदीय प्रणालीकै लागि लज्जास्पद कुरा भएको वताएका छन् ।
अध्यक्ष पुष्पकमल दाहाल ‘प्रचण्ड’ले नेपाली काँग्रेसले अहिलेसम्म प्रधानमन्त्रीको उम्मेदवारी फिर्ता नलिएर मुलुकलाई उल्टो दिशातिर लैजान खोजेको आरोप लगाएका छन् ।
एसिया प्यासिफिक एक्सचेन्ज एन्ड कोअपरेसनद्वारा मलेसियाको राजधानी क्वालालाम्पुरमा दुई दिनअघि आयोजित ‘शान्ति र विकास’ विषयक दुईदिने गोष्ठीमा भाग लिएर आज स्वदेश फर्केपछि त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्दै उनले भने— “हाम्रो पार्टी र एमालेबीच सहमति भई मैले उम्मेदवारी फिर्ता लिँदा जनतामा सकारात्मक सन्देश गएको थियो, काँग्रेस उल्टो दिशातिर गएपछि जनतामा फेरि निराशा छाउन थालेको छ ।”
आजै बस्ने एमाओवादी, काँग्रेस र एमालेको बैठकमा काँग्रेसलाई भोलि हुने प्रधानमन्त्रीको चुनावअगावै उम्मेदवारी फिर्ता लिन आग्रह गरिने पनि उनले बताए ।
मलेसियामा रहेका नेपाली र अन्य देशका नागरिकले समेत नेपालको शान्तिप्रक्रिया र राजनीतिक गत्यावरोधबारे चासो लिएको जानकारी दिँदै अध्यक्ष प्रचण्डले भने— “ शान्तिप्रक्रिया र संविधान लेखन कार्यलाई टुङ्गोमा पु¥याउन प्रयत्न गरिरहेकाले राजनीतिक अवरोध हटाएर निकास निस्कने विश्वास दिलायौँ ।”
मलेसियामा रहँदा आफूले त्यहाँका महत्वपूर्ण विकास–निर्माण कार्यहरूको निरीक्षण गरेको उनले बताए ।
अध्यक्ष प्रचण्ड गत शुक्रबार राति त्यसतर्फ प्रस्थान गरेका थिए ।
उनीसँगै गएका पार्टी स्थायी समिति सदस्य एवम् विदेश विभाग प्रमुख कृष्णबहादुर महरा, पार्टी सल्लाहकार एवम् उनकी पत्नी
0
0
