काठमाडौँ, १३ असोज । नेपाली काँग्रेसका सभापति सुशील कोइराला स्वास्थ्यलाभ गरी आज आफ्नो निवास महाराजगन्ज फर्कएका छन् ।
उनलाई एक साताअघि छातीमा सङ्क्रमण देखिएपछि उपचारार्थ त्रिविवि शिक्षण अस्पतालमा भर्ना गरिएको थियो ।
बाहिरी सम्पर्कबाट पुनः सङ्क्रमण नहोस् भन्नका लागि अझै एकसाता घरमै आराम गर्न उनलाई सल्लाह दिइएको उनका निजी सचिव लक्ष्मण ढकालले जानकारी दिए ।
उनको उपचारमा संलग्न डा करवीरनाथ योगीले उनलाई घरमा पूर्णतया आराम गर्न र कम बोल्न सल्लाह दिएका छन् । रासस