एक भारतीय पक्राउ

पर्सा, ११ असोज । भारतीय नागरिकलाई दुई सय ग्राम लागुऔषध खैरो हिरोइनसहित प्रहरीले पक्राउ गरेको छ ।

      भारतको रक्सौलमा खरिद गरी काठमाडौँ लैजाने क्रममा प्रहरीले वीरगन्जको नगवाबाट भारत नकरदेही भकुरहिया बस्ने वर्ष २५ का महम्मद परवेजलाई पक्राउ गरेको हो ।
       नियमित जाँचको क्रममा नगवा प्रहरीले आइतबार साँझ परवेजलाई पक्राउ गरेको जिल्ला प्रहरी कार्यालय पर्साले जनाएको छ ।
      भारतको रक्सौलबाट काठमाडौँ पु¥याएबापत रु पाँच हजार दिने भन्दै एक महिलाले आफूलाई खैरो हिरोइन दिएको परवेजले प्रहरीसमक्ष बताएका छन् ।
      पक्राउ परेका महम्मद परवेजमाथि लागुऔषधअन्तर्गत कारबाही अगाडि बढाइएको जिल्ला प्रहरी कार्यालय पर्साले जनाएको छ । रासस