पाल्पा, १८ पुस
पाल्पाको खस्यौली गाउँ परिषद् बैठक एकीकृत नेकपा (माओवादी)ले बहिष्कार गरेको कारण स्थगित भएको छ ।
नेपाली काँग्रेस र नेकपा एमालेले निर्देशिका विपरीत बजेट विनियोजन गरेको भन्दै माओवादीले परिषद् बहिष्कार गरेपछि खस्यौली गाविसको गाउँ परिषद् बैठक अनिश्चितकालका लागि स्थगित भएको हो ।
गाविसको रु. १९ लाख ५० हजारको बजेट मनपरी ढङ्गले विनियोजन गरेको विषयमा यसअघि बसेको योजना तर्जुमा गोष्ठीमा नै आफूहरुले असहमति जनाइसकेको एकीकृत माओवादी पाल्पाको ९ नं. इलाका सह–इन्चार्ज यमप्रसाद ज्ञवालीले बताए ।
गाउँबस्तीबाटै योजनाहरु आउनुपर्ने भनिए पनि आफ्ना कुराहरु सुनुवाइ नभएकाले परिषद् बैठक बहिष्कार गरेको ज्ञवालीले बताए ।
परिषद् बैठक स्थानीय राजनीतिक दलको सहमतिमा छिट्टै नै बसाल्न प्रयास गरिने खस्यौली गाउँ विकास समितिका सचिव दुर्गाप्रसाद ढकालले जानकारी दिए ।
0
0
