मनोज घर्तीमगर
हङकङ, ८मे – दर्शकको थामिनसक्नुको भिडले नेपालबाट हङकङ पुगेका कलाकारका गीत सुन्न आतुर थियो । हरेक दिन गरिने कामको थकान मेट्न आइतबार बिदाको मौका पारि थुप्रै नेपाली हङकङको हेनरी जि लिओङ यामताइ कम्यूटिनी हलमा जम्मा भएका थिए । सन्दर्भ थियो, ४ मे २०१४ , एक स्टेप साँझ को ।
एक मौका डटकमको आयोजनामा भएको साँझमा गायक मिङ्मा शेर्पा, सुवानी मोक्तान, भिम लिम्बु र स्थानीय गायकगायिकालाई सुन्न आतुर दर्शकले हुटिड गर्दै थिए । स्टाइलिस्ट गायक मिङ्मा चिटिक्क परेर मञ्चमा हुक्लिए । दर्शकको तालिले उनलाई स्वागत गर्यो । नमस्ते हङकङ भन्दै स्टेजमा उक्किलएका उनले नमुना बनाइदियौ…, जामाजामा…, अब हाम्रो बेला हो… लगायतका गीत गाएर दर्शकलाई छमछमि नचाए । सुवानीले जुनीजुनीको लागि…,थाह छैन…,परेलीमा ..गीत गाएर मन्त्रमुग्ध बनाइन् ।
यस्तै गायक भिम लिम्बुले धानै नाचिन्छ गीत गाएपछि सांगीतिक माहोल तातिएको थियो । उनको गीतमा धेरैजसो दर्शक स्टेजमै पुगेर नाँचे भने, बाँकी दर्शक आआफ्नो सिटबाट उठेर कम्मर मर्काइमर्काइ नाँचे । कार्यक्रममा स्थानीय गायिक शितल आले, क्रिष्टिना लिम्बुले पनि आआफ्नो प्रस्तुति दिएका थिए भने नेपाली चेली गु्रप, वानसर्ट गु्रप लगायतको प्रस्तुतिले सबैको मन जितेको थियो ।
हरेक वर्ष एक मौका डटकमले यस्तै सांगीतक कार्यक्रम गर्दै आइरहेको छ । नेपालका कलाकाराई हौसला दिँदै हङकङ टेक्ने अवसर जुटाउने र मनोरञ्जन प्रदान गर्न तीन वर्षदेखी कार्यक्रम गर्दै आएको संचालक कमल थापाले बताए । उनले नेपाली गीतसंगीतलाई बढावा दिन आगमी दिनमा पनि यस्तै कार्यक्रमलाई निरन्तरता दिने बताए ।
तस्वीर : तुलसी रानामगर
0
0
