देब पचभैया
पाल्पा, फागुन १७ ,नेपाल उधोग बाणिज्य महासंघका बरिष्ठ उपाध्यक्ष भास्करराज राजकर्णिकारले निर्बाचन मार्फत बर्तमान संक्रमण कालको अत्य गर्न खोजेका राजनैतिक दलहरुको प्रयास स्वागत योग्य भएको बताउनुभएको छ । पाल्पा उधोग बाणिज्य संघको मुख्य आयोजनामा आज बाट तानसेनमा शुरु १० दिने पाल्पा महोत्सबको उद्घाटन गर्दे उपाध्यक्ष कर्णिकारले जसको अगुवाईमा सरकार बनेपनि त्यो सरकारले मुलुकमा आर्थिक परिचालन गर्नुपर्ने र सहमतिको आधारमा पुर्ण बजेट ल्याउनुपर्नेमा जोड दिनुभयो । आर्थिक रुपमा सम्पन्न नभएसम्म राजनिति पनि सफल हुन नसक्ने बताउदै उहाले जसको अगुवाईमा सरकार बनेपनि त्यसले बर्तमान सक्रमण काललाई अन्त्य गर्नेपर्नेमा जोड दिनुभएको छ ।
कस्तो आकारको, कसको अनुहारको सरकार बन्ला, त्यसमा निजि क्षेत्र रहने र नरहनेमा हामीलाई धेरै चासो छैन उहाले भन्नुभयो तर दलहरुबिच निर्बाचन मा जाने जुन कुरा छ त्यो स्वागत योग्य छ ।
अहिले उधोगी ब्यबशायीहरुले धेरै समस्या भोग्न बाध्य हुनुपरेकोमा दुख ब्यतm गर्दे उपाध्यक्ष राजकर्णिकारले उर्जाको समस्या तत्काल समाधान गर्नु पर्नेमा जोड दिनुभएको छ । लगानी र श्र्रम बिचको सन्तुलनलाई उत्पादन संग जोड्नुपर्नेमा जोड दिदै उहाले ब्यबशायीसंग छलफल नगरी सरकारले तलब तोक्न नहुनेमा जोड दिनुभयो ।
यसै बिच “पाल्पामा कृषि, पर्यटन, उद्योग र व्यापारस अवसर र संभावना छ अपार” भन्ने मूल नाराका साथ आज बाट ‘पाल्पा महोत्सव २०६९’ सुरु भएको छ । २६ गते सम्म चल्ने मेलामा पाल्पाको पर्यटकीय विकास, कृषि उत्पादन, घरेलु तथा साना उद्योगको बजार विस्तार प्रर्वद्धन र प्रचार प्रसार गर्ने उद्देश्यले महोत्सवको आयोजना गरिएको महोत्सव मुल आयोजक समितिका संयोजक एवं उद्योग बाणिज्य सघं पाल्पाका अध्यक्ष मधुदयाल शैंजुले जानकारी दिनु भयो । शैजुका अनुसार कृषि, घरेलु उद्योग तथा पर्यटन क्षेत्रका रुपमा आफ्नो छुट्टै पहिचान बनाएको पाल्पामा रहेका ऐतिहासिक, धार्मिक एवं सांस्कृतिक स्थलहरुको पनि महोत्सवले प्रचार प्रसार गर्न मद्दत पुराउने छ । यहाँका कुटिर उद्योग, कृषि तथा वनजन्य उद्योग, महिला उद्यमीका उत्पादन, पर्यटन उद्योगबाट उत्पादित वस्तु तथा सेवालाई पर्वद्धन गर्ने उद्देश्य महोत्सवले लिएको छ । महोत्सवमा जिल्ला कै साँस्कृतिक पहिचान झल्कने झाँकी प्रस्तुत हुनुका साथै जिल्लामा उत्पादन हुने स्थानीय तथा राष्ट्रिय उत्पादनलाई प्रवद्र्धन गर्न वेग्लाबेग्लै प्रदर्शनी एवं बिक्री केन्द्रहरुको व्यवस्था गरिएको छ । महोत्सवमा नयाँ प्रविधिका कृषि औजार लगायत अदुवा वस्तुको प्रदर्शनी सहितको कृषि प्याभिलियन, धार्मिक तथा पर्यटकीय स्थलहरुका चित्ताकर्षक फोटो तथा स्वरुप प्रदर्शनी, रानीमहलको स्वरुपमा सचिवालय, मनोरंजनपूर्ण बाल उद्यान, महोत्सव परिसरको सुरक्षा व्यवस्थालाई चुस्तदुरुस्त बनाउन ऋऋत्ख् क्यामेरा जडान हुनुका साथै प्रबेश टिकटमा गोला प्रथाद्धारा एक जनालाई मोटरसाईकल उपहारको व्यवस्था गरिएको प्रचार प्रसार समितिका संयोजक अजयमान कर्मचार्यले जानकारी दिनु भयो । महोत्सव अवधिभर राष्ट्रिय लोक दोहोरी, आधुनिक तथा पप गायक तथा हाँस्य कलाकारहरुको साँस्कृतिक कार्यक्रमहरु प्रस्तुत हुनुका साथै जिल्ला स्तरमा प्रतियोगितात्मक खुल्ला सामूहिक तथा प्रा.वि.स्तरका सामूहिक बालनृत्य कार्यक्रमहरु सहितका स्थानीय लोक सांस्कृतिक कार्यक्रमहरु हुने छ । महोत्सवका लागि अहिलेसम्म २ सय ८३ स्टल छन् । राष्ट्रिय उद्योग प्रतिष्ठान, बहुराष्ट्रिय कम्पनी, बैंक तथा वित्तीय संस्था, अटोमोवाईल्स, कृषि एवं वनजन्य उत्पादन, कुटिर र महिला उद्यमीका स्टल दर्ता भएका छन् । महोत्सवमा २ लाख २५ हजार बढी दर्शक तथा अवलोकनकर्ता सहभागी भई ८ करोड बराबरको कारोवार हुने अपेक्षा आयोजकले लिएको छ । महोत्सवबाट हुने आम्दानीलाई पर्यटन क्षेत्रको विकास, पाल्पामा हवाई मैदान संभाव्यता अध्ययन, टुडिखेल मैदानको स्तरोन्नतीका साथै संघबाट निर्माण गर्न लागिएको अतिथी गृह, तालिम तथा सभाहल सहितको बहुउद्देश्यीय भवन निर्माणका लागि रकम छुट्याईने कर्मर्चाले जानकारी दिनु भयो । महोत्सवको जिल्ला विकास समिति पाल्पा, तानसेन नगरपालिका, नेपाल उद्योग वाणिज्यमहासंघ आयोजक रहेका छन् । साना उद्योग कार्यालय, जिल्ला कृषि विकास कार्यालय पाल्पा सहआयोजक रहेका छन् । २०२३ सालमा स्थापना भएको पाल्पा उद्योग बाणिज्य संघले यसअघि ७ वटा महोत्सवको आयोजना गरिसकेको छ ।
0
0
