पुन भिन्दै हुन्, अन्य थरहरु भन्दा सबै फरक छ । यसैले पुन मगर होईन छुट्टै जाति हो त्यसैले पुनहरु एक भई मगरबाट फुटाउनुपर्छ भन्दै घाँटी जोड्नेहरु नै आफुआफुमा मारामारी गरेर जगहँसाई गरेकाछन् । त्यहि आन्दोलन गर्दे आईरहेको पुन समाज नेपालको दोश्रो महाधिवेशन चर्काे विवाद र झडपका कारण निष्कर्षविहिन रुपमा सकिएकोछ । महाधिवेशन हलभित्र करिव हात हालाहालको अवस्था श्रृजना भएको बताईन्छ । २९ जनवरी देखि पोखरामा शुरु भएको पुन समाजको महाधिवेशनमा यसपालि पुन मगर थर होईनन् छुट्टै जाति हुन् भन्ने समुहले निकालेको विवादले ठुलो झगडाको रुप लिएकोथियो । महासचिव खिमन सेर्वुजा लगायतका म्याग्दी जिल्लाका केहि प्रतिनीधिहरुले यसपालि महाधिवेशनबाट पुनलाई मगरबाट छुट्टयाउने रणनीति अनुरुप तयारीका साथ प्रस्तुत भएकाथिए । तिनले २०५२ सालयता पुन मगर होईनन् छुट्टै जाति हुन् भन्दै लविगं गरिरहेकाछन् । त्यसैले तिनले आदिवासी जनजाति महासंघका महासचिव आगंकाजी शेर्पालाई प्रमुख अतिथि बनाएकाथिए । यद्यपि ति शुरुमा अर्थमन्त्री बर्षमान पुनलाई प्रमुख अतिथि बनाउन उनकै कार्यकक्षमा पुगेको अर्थमन्त्रीका किचन क्याविनेटका एक सदस्य बताँउछन् । तर रुकुमका बाठा अर्थमन्त्री पुनले म्याग्दीका केहि ब्यक्तिले थालेको जाति टुक्रयाउने लविगं बुझेकोले त्यहाँ गएर विवादमा परिन्छ भन्ने ठानेर नजान अर्के बहाना गरेको उक्त श्रोत बताँउछ । त्यसपछि शेर्पालाई डाकिएकोथियो । किनकी गत साल पुनलाई छुट्टै आदिवासी समुदायमा सुचिकृत गर्नुपर्छ भन्दै आन्दोलन गरिएकोथियो ।
औपचारिक कार्यक्रमको उद्घाटन सत्रमै युके प्रतिनीधि तेज राम्जालीले भाषणको क्रममा पुनहरु मगर नै हुन भन्दिएपछि उनीहरुको मनोबल केहि खस्किएकोथियो । त्यसपछि बन्द सत्रमा पुन हकहितका अरु ऐजेण्डामा प्रवेश गरेर छलफल नचलाईकनै पुनलाई मगरबाट छुट्याई आदिवासी महासंघमा दर्ता गराउनुपर्छ भन्दै खिमनहरुको करिब ३० जना जतिको टोली उफ्रन शुरु गरेकोथियो । तर मगर नै हौं भन्नेहरुको महाधिवेशनमा भारी बहुमत भएपछि यो विवादले झगडाको रुप लिएकोथियो । ति हाथापाईको स्थितिमा उत्रिएकाथिए । बहुमतले कार्यसमितिका केहि ब्यक्तिहरुको योजना तुहाईदिएपछि ति झगडा गर्ने स्तरमा ओर्लिएकाथिए । हाम्रा पोखरा प्रतिनीधि मुसहागं झेडीका अनुसार, महाधिवेशनमा उठेको यो तल्लोस्तरको विवाद पोखरा भर फैलिएकोथियो । पोखरामा केहि ब्यक्तिहरुले एक करोड पाउने शर्तमा आदिवासी आन्दोलनलाई कमजोर बनाउन त्यो समुहले यस्तो गरेको र तिनले महाधिवेशन गर्न त्यो समुहसंग केहि रकम पहिल्यै हात पारेको समेत हल्लाले बजार तताएकोथियो । झेंडी भन्छन्, यसले हाम्रो समुदायलाई अरु जातिले हर्ने दृष्टिकोणमा समेत नकारात्मक असर पार्ने संभावना छ ।
पुन मगर होईनन् भन्ने समुहको नेतृव गर्ने महासचिव सेर्बुजा विवादास्पद ब्यक्ति हुन् । दश पढेका यी ब्यक्ति हाल स्वदेशमा बन्देज गरिएको नेटवर्क धन्दासंग सम्बद्ध छन् । ठुलो ठगी धन्दा गर्ने युनिटी नेटवर्क र त्यसैगरि अर्काे नेटवर्क विजनेश डिएक्सएनका उनी नेता हुन् । त्यसमा संलग्न भएका कारण उनी स्थानीय प्रशासनको ब्ल्याक लिस्टमा समेत छन् भनिन्छ । यिनले सयौं पुनहरुलाई यो संस्थाको दुरुपयोग गरेर गैरकानुनी नेटवर्क धन्दामा लगाएकाछन् । एक जना महाधिवेशन प्रतिनीधिको भनाईमा पुन समाज नेपाललाई नै उनी सम्बद्ध नेटवर्कको सदस्य बनाउने भनेर उनले बैठकमा समेत कुरा उठाईसकेकाछन् । यी ब्यक्ति म्याग्दी जिल्लाका केहि गाविसका केहि ब्यक्तिहरुलाई उचालेर किन पुनलाई मगरबाट छुट्याउन खोजिरहेकाछन् भन्ने चासो महाधिवेशनमा उठाईएकोथियो । किनकी सेर्बुजाले आफुलाई पुन नै ठान्दैन । सेर्बुजा समाज नेपाल नामक संस्थाले आफुहरु मगरको एउटा थर हौं तर पुन होईनौ भन्दै हिंडिरहेकोछ । त्यसैले केहि पुन मगरले यी स्वंय पुन नभएकोले पुनलाई मगरबाट कसैको उक्साहटमा फोड्न खोजेको हुनसक्ने गाईगुई पनि हलमा चलाएकाथिए । जातिको रुपमा मान्यता दिलाउन शक्ति प्रदर्शन गर्न जरुरी रहेको भन्दै महाधिवेशनको रयालीमा हरेक पुनहरुका घरमा गई जसरी भएपनि आउन उर्दी जारी गरिएकोथियो । पुरै परिवारका सदस्य आउन उर्दी गरिएकोथियो । नआउनेलाई जनही ५०० का दरले जरीवाना तिर्नुपर्ने डर देखाइएको सहभागीहरुको गुनासो थियो । तर यति गर्दा पनि तिनको पक्षमा बहुमत नदेखिएपछि आफ्नो अभिष्ट पुरा हुने छाँट नदेखेपछि त्यो समुहको हुल हुज्जत शुरु गरेकोथियो । उनीहरुले महाधिवेशनको औचित्य छैन भन्दै ववाल गरिदिएपछि कुनै निर्णयबिना महाधिवेशन रद्द गरिएकोछ ।
सम्बन्धित समाचारहरु यहाँ छ
पुन समाज नेपालमा द्धन्द्ध ,पुन मगर हैनन् भन्नेहरु अल्पमतमा
मगर भाँड्ने कथित ‘पुन’ राजनीति
‘मुर्खहरु इतिहास बंग्याउन चाहन्छन्’
बहुलाएको कुकुरले टोकेकाहरुले फैलाएको हल्ला हो
कुरा मिलेन भन्दैमा छुट्टिने कुरा गर्नुहुदैंन
पुन सखाप पार्ने राजनीति कताबाट आइरहेकोछ ?
0
0
