श्रीमानद्धारा श्रीमति र भाईको वञ्चरो प्रहार गरी हत्या

दाङ (तुल्सिपुर), २१ कात्तिक

दाङमा गएराति एक व्यक्तिले आफ्नी श्रीमतीसहित दुईजनाको हत्या गरेका छन् ।

जिल्ला प्रहरी कार्यालय दाङका अनुसार दाङ लुहारपानी–७ निवासी गोरबहादुर पुनले आफ्नी श्रीमती २३ वर्षीया कृष्णा र साढुभाइ देउखुरी सिसहनिया लठहवा निवासी २१ वर्षीय रवीन चौधरीलाई गएराति हत्या गरेका हुन् ।

सामान्य विवादका कारण गोरबहादुरले बन्चरो प्रहार गरी दुवैको हत्या गरेको प्रहरीले जनाएको छ ।

अभियुक्त गोरबहादुर फरार रहेको र उनको खोजी भइरहेको दाङ प्रहरीले जनाएको छ ।

रासस