नेपाली कांग्रेस भित्रका जनजाति नेताहरुले पार्टीलाई संघीयताको विषयमा सुझाव दिनका लागि गठन गरेको समितिले शनिबार सुझाव प्रतिवेदन पार्टीलाई बुझाएको छ । नेपाली कांग्रेसका नेता भिमबहादुर तामाङ नेतृत्वले बुझाएको प्रतिवेदन उपर नेपाली कांग्रेस पार्टीमा छलफल शुरु भएको कांग्रेस नेता नविन्द्रराज जोशीले राज्यसत्तालाई बताए । एकल पहिचानको सट्टा बहुपहिचानमा आधारित संघीयता हुनु पर्ने सुझाव सहितको प्रतिवेदन पार्टीमा बुझाएको नेता भिम बहादुर तामाङले बताए । कांग्रेस भित्रका जनजाति नेताहरु पनि एकल पहिचानको पक्षमा र बहु पहिचानमा आधारित संघीयताको पक्षमा गरि भिन्न भिन्न रुपमा उभिएका छन् । अहिले पार्टीमा बुझाएको प्रतिवेदन प्रति केही जनजाति नेताहरु असन्तुष्ट छन् । नेता इन्द्रबहादुर गुरुङ लगायत नेताहरु उक्त सुझाव प्रतिवेदन आफूलाई अमान्य रहेको बताएका छन् । इन्द्रबहादुर गुरुङ लगायतका असन्तुष्ट नेताहरु आदिवासी जनजातिद्धारा अन्तिम रुप पाउन लागेको पार्टीमा सामेल हुने समेत निश्चित भैसकेको छ ।
0
0
