भाग्दै गरेका पुन समातिए

दाङ (देउखुरी), ११ कात्तिक
सल्यानको थारमारेमा आफ्नै श्रीमतीको हत्या गरी भाग्दै गरेका एक युवकलाई इलाका प्रहरी कार्यालय तुलसीपुरले हिजो पक्राउ गरेको छ । थारमारे गाविस–९ खालकी २० वर्षीया सावित्री पुनको हत्यामा संलग्न उनकै श्रीमान् हिमराज पुनलाई तुलसीपुर प्रहरीले पक्राउ गरी इलाका प्रहरी कार्यालय सल्यानको जिम्मा लगाइएको प्रहरीले जनाएको छ ।

अस्ति बेलुकी श्रीमान्सँगै दाउरा लिन जङ्गल गएकी पुनको शव घाँटी रेटेको अवस्थामा फेला परेको थियो । हेमलाल पुनले प्रहरीसामु बञ्चरो प्रहार गरी हत्या गरेको बयान दिएकाछन् ।

रासस