आदिबासी जनजाति संयुक्त संघर्ष समिति जर्मनीको अन्तरक्रिया कार्यक्रम

गणेश गुरुङ, जर्मनी – ६ जुलाई २०१२ शनिबारका दिन नेपाल आदिबासी जनजाति संयुक्त संघर्ष समिति जर्मनीले नेपाल आदिबासी जनजाति महासंघका महासचिब आंग काजि शेर्पाको मुख्य अथितीमा अन्तरक्रिया कार्यक्रम सम्पन्न गरेको थियो l

संयुक्त संघर्ष समिति जर्मनीका संयोजक चाप्चा राईको सभापतित्वमा भएको उक्त अन्तरक्रिया कार्यक्रमको संचालन समितिका सचिब सन्चमान जबेगुले गरेका थिए l उक्त कार्यक्रममा विभिन्न आदिबासी जनजाति संस्थाका प्रतिनिधिहरुले मन्तब्य राखेका थिए l स्वागत मन्तब्य नेवा समाजका गङ्गालाल श्रेष्ठले दिएका थिए l साथै मन्तब्य दिनेहरुमा सोनम शेर्पा ( शेर्पा समाज ), ईन्द्र गुरुङ ( तमु समाज ), देन्दी शेर्पा , धावा शेर्पा , आदिबासी जनजाति समाज हामबर्गका अधक्ष्य प्रेम पिमु र नेपाल जनजाति समाज म्युनिखका अधक्ष्य शेख राज सुनुवारले बोलेका थिए l उक्त कार्यक्रममा बोल्ने बक्ताहरुको प्राय सबै एउटै स्वरमा संघिय गणतन्त्र नेपाल पहिचान सहितको हुनु पर्ने र बर्तमान नेपालको परिस्थितिलाई मध्यनजर राख्दै विश्व भरि छरिएर रहेका आदिबासी जनजाति सबै एक हुनु पर्नेमा जोड दिइएको थियो !