जनकपुरधाम, १० कात्तिक । जनकपुर अञ्चल बस व्यवसायी सङ्घले अनिश्चितकालका लागि यातायात बन्द गरेको छ ।
बन्दका कारण जनकपुर–जलेश्वर, जनकपुर–जटही, जनकपुर–ढल्केवरलगायतका सडकखण्डमा चल्ने भाडा तथा यात्रुबाहक बस चल्न सकेका छ्रैनन् ।
ना२प ४०३७ नम्बरको गाडीका चालक सतिराम मिश्रलाई निर्घात कुटपिट गर्नेमाथि कारबाही नगरिएको भन्दै सङ्घले यातायात बन्द गराएका हुन् ।
यातायात बन्द भएपछि लामो दूरीका सवारीसाधनहरु पनि सञ्चालन नभएका कारण यात्रुहरु अलपत्र परेका छन् ।
सङ्घका अध्यक्ष तेजनारायण चौधरीले सङ्घका मागलाई प्रशासनले गम्भीरतापूर्वक नलिएका कारण यतायात बन्द गर्नुपरेको बताए ।
उनले भोलिसम्म यस सम्बन्धमा प्रशासनद्वारा कुनै पहल नगरिए ढल्केवर सडकखण्डमा समेत यातायात बन्द गरिने चेतावनी दिए ।
रासस
0
0
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %