आमा भाषा ( कबिता) )

पूर्ण बहादुर राना

आमा भाषा जोगाऔं

बाबा भाषा जोगाऔं
बाजे भाषा जोगाऔं
बजै भाषा जोगाऔं
आफ्नो देशको भाषा जोगाऔं
आफ्नो समुदायको भाषा जोगाऔं
घरको भाषा जोगाऔं
आफ्नो भाषा जोगाऔं
आफ्नो सन्तानको गहना भाषा जोगाऔं
आफ्नो नाती नातिनिको ऐतिहासिक गौरवको भाषा जोगाऔं
सबै भाषा बराबर छन्
भाषा सानो ठूलो छैन
अन्तर्राष्ट्रिय अँग्रेजी र राष्ट्रिय नेपाली खस भाषामा पढेर
देश विकास हुने भए
नेपाली र अँग्रेजी भाषा पढेको
२०० वर्ष भईसक्यो
अनि नेपालमा थोत्रो गाडीको टायर टाल्ने होईन
नयाँ गाडी, जहाज र मोबाईल बन्थ्यो होला ।
सुगर, एचआईभी र क्यान्सरको औषधि बन्थ्यो होला ।
खाद्य सामाग्री विदेशबाट आयात गर्न पर्ने थिएन होला ।

यसको मतलब नेपाली र अँग्रेजी भाषा नपढ भनेको होईन
अब नेपाली र अँग्रेजिमा पनि पढ
सके चाईनिज, जापानीज र फ्रेन्चमा पनि पढ
राई लिम्बू तामाङ र थारूमा पनि पढ
मगर गुरूङ मैथिली, शेर्पा नेवार अन्य भाषामा पनि पढ

मातृ भाषामा पढेर देश विकास नहुने होईन
पाठ्यक्रम र राज्यको नीति खराब भए
विकास नहुने हो ।
अब मातृ भाषामा नयाँ औषधि, जहाज, मोबाईल कसरी बनाउने?
बैज्ञानिक र व्यावसायिक खेति कसरी गर्ने ?
बिजुलि कसरी निकाल्ने?
ईन्फरमेसन टेक्नोलोजी कसरी विकास गर्ने ?
कपडा कसरी बनाउने ?
नयाँ आविष्कार र सिर्जना कसरी गर्ने ?
यी विषयलाई समेटेर पाठ्यक्रम बनाऔं ।
व्यवहारमा कार्यान्वयन गरौं
अनि देश विकास गरौं ।
देशमा समृद्ध ल्याऔं ।
नागरिकमा खुसि ल्याऔं ।
त्यसैले मातृ भाषा हुनेहरूले
आफ्नो भाषा जोगाऔं ।
लोप भएकाहरूले भाषा खोजौं
लोप हुन लागेकाहरूको भाषा जगाउ
जे भन
जसो गर
जता बस
जता जाउ
जहिले पनि जहाँ पनि
तिम्रो ठूलो काम
तिमिले आफ्नो भाषा जोगाउने हो ।
किनकि तिम्रो मातृ भाषामा
तिम्रो मातृ भाषामा ममत्व छ ।
तिम्रो अपनत्व छ ।
तिम्रो स्वामित्व छ ।
तिम्रो अधिकार छ ।
फेरि त्यसैले त भन्छु म तिमिलाई
सबैले आफ्नो आमाको भाषा जोगाऔं ।