रूद्र श्रीसमगर
पोखरा, कार्तिक १५ – नवोदित गीतकार एवं साहित्यकार दिवान घर्तीमगरले आफ्नो गाउँको परिचय व्यापक बनाउन गीत लेखे र त्यति मात्र नभइ सो गीत रेकर्ड गराए । अनि म्यूजिक भिडियो समेत निर्माण गरेका छन् ।
बागलुङ जिल्लाको गलकोट नगरपालिका वडा नं. ११, रिघाका पर्यटकीय स्थलहरूको प्रचारप्रसारका लागि आफूले गीत लेखेको उनी बताउँछन् । टाइगर्स फिल्मस् प्रालिको प्रस्तुतीमा बजारमा आएको “रिघा पर्यो गाउँ” बोलको गाउँको गीतको म्यूजिक भिडियोको निर्देशन गोविन्द पुनमगरले गरेका हुन् । सो गीतमा गायिका तारा श्रीसमगरले स्वर दिएकी छन् भने गायक एवं संगीतकार नवीन रानामगरले संगीत भरेका छन् ।
सोनाम घर्तीमगरको नृत्य निर्देशन रहेको म्यूजिक भिडियोमा एसिया सिंजालीमगर र अस्मिता श्रीसमगरले मुख्य अभिनय गरेका छन् । दानबहादुर श्रीसमगरको छायाङ्कन तथा सम्पादन रहेको सो म्यूजिक भिडियोको कलरिङ मिलन गुरुङ र पुनम पुनमगरले श्रृंगार गरेका हुन् ।
0
0
