गम बयम्बु मगर
निस्दी गा.पा.-६ अर्चले,पाल्पा
लाफा कोई डेच कुराको ड सेनिस है।
डुन्च्यो मिगिन ले डेयाङ्ग च झेनिस है।।
सेच्यो कुरा लाफाकोके ड सेटाक्निस।
अर्चिके महाले लौ अघेर ख्योहोनिस है।।
(१)
आर्मिट्नि जजाकोके ढलिङ पर्ढिसक्के।
लङघाके खास्के पट्ट अघेर बढ्डिसक्के।।
कनकोई मजाट्मो कुसै सेटक्ले लङघा।
कठाहखाट्मो पट्टको हिल सार्डिसक्के।।
(२)
रेन्झा जाको पैसा पाके,फुकुङ देशङ आना।
जजाको ड बुढास्च्याको,कानुङ देशङ छाना।।
कानुङ देश सेच्यो जाट्के,सुई औला डेनिस।
लुटुवा कोई लुट्डिमो,नेपालके जम्मै ज बाना।।
(३)
तीजङ लाके मराह डेमो,राप्मो माङुन नानी।
ढलिङ राप्मो छाटियाङ,ङाप्मो माङुन नानी।।
ङ छान लोसौं परदेशङ,बोई मोई बुढाबुढीले।
माईटङ राहन नङला,लाम जाप्मो माङुन नानी।।
(४)
छिनीङ पिहीन नकोरो खाट्के जाक्मोले भेना।
नक्कुङ गिनङ ठाहमो म्हाट्के जाक्मोले भेना
हि छान्नङ आउला नक्को मालेनङ गिन राप्ले।
ईस्याई ङज्यानके बैना जाट्के जाक्मोले भेना।।
(५)
ढलिङ अघेरैँ कन मगरको नेपालङ ज फुन्च ट।
मिगिन कराहङ्च छान्ले ड्याङड भर्मी टुन्च ट।।
माबिरिले सिके, साट्के शत्रु अघेर राहले ड्याङ।
ईस्याई देशके बचाडिके ड मगरको ज पुहुन्च ट।।
(६)
नक्कुङ लङघालक नमास राहनङ ङौगिन छिम्लेको।
नक्कोके आर्मिटमो मुनङ याकौं नामखान किम्लेको।।
सेन्को औला नक्को, ङ काट छान्मो जुग चेके याक।
सपनाङ नक्कोरो अङ्गलोवङ,रिन्नङ लुगुम जिम्लेको।।
0
0
