गोविन्द घर्ती
देवदह, माघ २१ – पत्रकार लोकनेश ढेंगा मगरको नयाँ पुस्तक ‘बाँच र वाँच्न देउ’ एक कार्यक्रमका बीच बुटवलमा विमोचन भएको छ ।
विगत २५ बर्ष देखि निरन्तर रुपमा उत्पीडित आदिवासी जनजाति, महिला, मधेसी समुदायको हक अधिकारका विषयमा कलम चलाउदै आउनुभएका पत्रकार ढेंगाको चौथों पुस्तकको रुपमा ‘बाँच र वाँच्न देउ’ विमोचन भएको हो । पुस्तकलाई आदिवासी जनजाति महासंघका केन्द्रीय अध्यक्ष जगत वरामले विमोचन गर्नु भएको हो ।
सो अवसरमा बोल्दै अध्यक्ष बरामले यस पुस्तकले आदिवासी जनजाति समुदायको हक, अधिकार र पहिचानको मुद्दालाई बुलन्द गरेको बताउँनु भयो । उहाँले पुस्तकले राष्ट्रियताको लागी महत्वपूर्ण भुमिका खेलेको भन्दै सम्पूर्ण नेपालीलाई जोड्ने काम गरेको बताउनु भयो । त्यस्तै पत्रकार न्युनतम परिश्रमीकका सदस्य दिपक ज्ञावाली र पत्रकार गिरी श्रीसले पुस्तकको संक्षिप्त चर्चा गर्नुभएको थियो ।
फोनिज रुपन्देहीका जिल्ला अध्यक्ष मिलन गाहाको अध्यक्षता, उपाध्यक्ष राज चौधरीको स्वागत र सचिव आशिष शुर्यवंशीको संचालनमा सम्पन्न उक्त पुस्तक विमोचन कार्यक्रममा आदिवासी जनजाति महासंघका जिल्ला अध्यक्ष दल बहादुर छन्त्यल, लेखक तथा पत्रकार लोकनेश ढेंगा लगायतले बोल्नु भएको थियो ।
0
0
