सुर्य आलेमगर
आबुधाबी – नेपाल मगर संघ युएईको आयोजनामा आगामी २७ जनवरी ( माघ १४गते, शुक्रबार ) युएईको राजधानी आबुधाबीको मुरुर कर्नेशपार्कमा हुन थालेको माघेसक्रान्ती शुभकामना एवं पिक्निक कार्यक्रमको तैयारी अन्तिम चरणमा रहेको जानाकारी प्राप्त भएको छ ।
गत १३जनवरी, आबुधाबी स्थित मुरूर कर्नेशपार्कमा संघका अध्यक्ष शुशी पुलामी मगरको अध्यक्षतामा बसेको,उक्त कार्यक्रमको तैयारी बैठकले उक्त कुराको जानाकारी गराएको हो ।
देशकै प्रमुख चाडको रुपमा रहेको माघेसक्रान्ती पर्वलाई मगरजातिले आफ्नो जातिय सभ्यताको विकास संगसंगै प्रमुख पर्वको रुपमा मान्दै आएको पर्व हो । नेपाल सरकारले समेत केहीवर्षयता,माघे सक्रान्ती पर्वलाई मगराजातिको राष्ट्रिय पर्वको रुपमा मान्यता दिएको छ भने, यस पर्वले देशको भौगोलीयता,जातियता एवं सास्कृतिक विविधताको प्रतिनिधित्व गर्दै आएको छ ।
प्रवासमा डिउटी र समयको अनुकूलता मिलाएर गर्न थालिएको उक्त पिकनिक कार्यक्रममा मगर जातिय परिकारको साथमा लाइभ बार्वक्यू, खसी र बङ्गुरको मासु, सेलरोटी, तरुल, अचार, तिलको लड्डु, चिउरा र कोल्ड्रीङ लगायतका परिकारको व्यवस्था हुने कार्यक्रम सम्योजक एवं संघ का वरिष्ठ उपाध्यक्ष राम थापामगरले जानकारी दिएका छन ।
साथै युएईमा रहनुहुने सम्पूर्ण नेपाली दाजुभाई तथा दिदिबहिनीहरुमा उक्त शुभकामना आदानप्रदान एवं पिक्निक कार्यक्रममा सहभागी भै, शुभकामना आदानप्रदान गर्न र पिक्निकको भरपुर मनोरंजनलिनहुन, नेपाल मगर संघ युएईले सादर निमन्त्रणा गरेको छ ।
0
0
