कार्यक्रमको तयारी अन्तिम चरणमा
सुर्य आलेमगर ९ जनवरी २०१६ आबुधाबी /
नेपाल मगर संघ युएईको आयोजनामा आगामी आगामी १५ जनवरी ( माघ १ गते, शुक्रबार ) युएईको राजधानी आबुधाबीको हम्दाम कर्नेशपार्कमा हुन थालेको माघेसक्रान्ती शुभकामना एवं पिक्निक कार्यक्रमको तैयारी अन्तिम चरणमा रहेको जानाकारी प्राप्त भएको छ । गत ८ जनवरी, आबुधाबी स्थित हम्दाम कर्नेशपार्कमा संघका अध्यक्ष शुशी पुलामी मगरको अध्यक्षतामा बसेको उक्त कार्यक्रमको समिक्षा बैठकले उक्त कुराको जानाकारी गराएको हो ।
देशकै प्रमुख चाडको रुपमा रहेको माघेसक्रान्ती पर्वलाई मगरजातिले आफ्नो जातिय सभ्यताको विकास संगसंगै प्रमुख पर्वको रुपमा मान्दै आएको पर्व हो । नेपाल सरकारले समेत माघे सक्रान्ती पर्वलाई मगराजातिको राष्ट्रिय पर्वको रुपमा मान्यता दिएको छ भने, यश पर्वले देशको भौगोलीयता,जातियता एवं सास्कृतिक विविधताको प्रतिनिधित्व गर्दै आएको छ ।
कार्यक्रमका संयोजक एवं संघका वरिष्ठ उपाध्यक्ष राम थापामगरले जानकारी गराए अनुसार उक्त पिकनिक कार्यक्रममा मगरजातिका जातिय परिकारका साथ लाइभ बार्वक्यूको साथमा,सेलरोटी,तरुल,अचार,तिलको लड्डु,चिउरा र कोल्ड्रीङ लगायतका परिकारको व्यवस्था हुने जानकारी दिएका छन ।
साथै युएईमा रहनुहुने सम्पूर्ण नेपाली दाजुभाई तथा दिदिबहिनीहरुमा उक्त शुभकामना आदानप्रदान एवं पिक्निक कार्यक्रममा उपस्थित भई दिन सादर निमन्त्रणा गरेको छ ।
0
0
