दाङमा ३८ जना कम्लरी वालिकाको उद्धार

दाङ (देउखुरी), ३ फागुन

बितेको एक महिनाको अवधिमा दाङमा ३८ जना कम्लरी बालिकाको उद्धार गरिएको छ । कम्लरी ओसारपसारको समय मानिने माघीको अवसरमा माघ महिनामा गरिएको छापामार र नाका जाँचबाट ३८ कम्लरीको उद्धार गरिएको हो ।

घरमा छापामारेर ३१ जना र नाका जाँचबाट सातजना कम्लरीको उद्धार गरिएको सहयोग समाज नेपालका कार्यक्रम संयोजक गद्धुलाल चौधरीले जानकारी दिए । उद्धार गरिएका कम्लरीमध्ये ३१ जनालाई अभिभावकको जिम्मा लगाइएको र बाँकी लम्लरीस्थित होस्टेलमा राखिएको कार्यक्रम संयोजक चौधरीले बताए ।दाङलाई कम्लरीमुक्त जिल्ला घोषणा गरेको यही माघमा दुईवर्ष पुगे पनि अझै रेकर्डअनुसार ४० कम्लरीको उद्धार हुन बाँकी रहेको छ ।