२०७९ पुष २१ गते
राज्यसत्ता संवाददाता
काठमाडौं । त्रिभुवन विश्वविद्यालय विद्यार्थी कल्याण परिषद्ले चैत ५ गते त्रिभुवन विश्वविद्यालय (त्रिवि)को स्वतन्त्र विद्यार्थी युनियन (स्ववियु) निर्वाचन गराउने प्रस्ताव गरेको छ ।
आज बसेको विद्यार्थी कल्याण परिषद्को बैठकले त्रिवि स्ववियु चुनाव चैत ५ गते गराउने निर्णय गरेको त्रिवि विद्यार्थी कल्याण तथा खेलकुद निर्देशनालयका निर्देशक पशुपति अधिकारीले बताए । भोलि त्रिविको कार्यकारी बैठक बस्ने र बैठकले उक्त निर्णय अनुमोदन गर्नेछ ।
निर्वाचन तालिका एकसाता भित्र सार्वजनिक गर्ने उनले बताए । अधिकारीले भने,’कार्यकारी परिषद्ले चुनावको मिति फिक्स गरेर समिति गठन गरेपछि बल्ल तालिका सार्वजनिक हुन्छ । एकहप्ता जति लाग्छ तालिका सार्वजनिक हुन्छ ।’
२०६५ सालदेखि स्ववियुकाे नियमित चुनाव हुन सकेको छैन । स्ववियु चुनाव नभएको १४ वर्ष भईसकेकाे छ । त्रिभुवन विश्वविद्यालयकाे ६२ वटा आंगिक क्याम्पसमा स्ववियु चुनाव हुनेछ । चुनाव भएमा नयाँ विद्यार्थी नेताहरू चुनिनेछन् ।
1
0
