गोविन्द घर्ती
भद्रौ ३ । सहकारीले मात्र आर्थिक समृद्धि गर्न सकिने भएकोले सहकारीहरुले आर्थिक उपार्जन तर्फ लगानी गर्नुपर्ने जिल्ला सहकारी संघ रुपन्देहीका अध्यक्ष भिमप्रसाद तुलाचनले बताउनु भएको छ ।
कोलिय बचत तथा ऋण सहकारी संस्था देवदहको आयोजनामा भएको तीजगित प्रतियोगितामा उहाले उक्त कुरा बताउनु भएको हो । अध्यक्ष तुलाचनले सहकारी मार्फत समाज रुपान्तरण गर्न सकिने भएकोले सहकारीको सदस्य बन्नु पर्नेमा जोड दिनु भयो । उहाले सहकारीले मात्र आर्थिक समृद्धि गर्न सकिने भएकोले सहकारीहरुले आर्थिक उपार्जन तर्फ लगानी गर्नुपर्ने बताउनु भयो । साकोसका अध्यक्ष सुवकान्त न्यौपानेको अध्यक्षतामा भएको कार्यक्रममा जिल्ला सहकारी संघ रुपन्देहीका सदस्य तथा प्रमुख सल्लाहकार प्रकाश अर्याल, सल्लाहकार जीवलाल पराजुली लगायतले आ–आफना भनाई राख्नु भएको थियो ।
प्रतियोगितामा मेलमिलाप दिदीवहिनी क्लव गगनटोल प्रथम, नव एकता दिदीवहिनी क्लव खैरेनी द्धितिय र मायादेवी दिदीवहिनी क्लव तल्लो खैरेनी तृतिय भएको छ । प्रतियोगितामा भाग लिने सम्पूर्ण दिदीवहिनी क्लवले सहकारी सम्वन्धी आ–आफनो गित तथा नृत्य प्रस्तुत गरेका थिए । प्रतियोगितामा १६ समुहको सहभागिता रहेको संस्थाले जनाएको छ ।
संस्थाका उपाध्यक्ष भिमप्रसाद गुरुङ्गको स्वागत र सचिव खेमानन्द ज्ञवाली र सरस्वती पोखरेलको संचालनमा कार्यक्रम सम्पन्न भएको थियो । कोलिय साकोसद्धारा गठित दिदीवहिनी क्लव स्तरीय हिन्दु नारीहरुको महान पर्व तीजगितको अवसरमा उक्त प्रतियोगिता सम्पन्न गरेको हो । कार्यक्रममा दुर्घटना विमाको रकम समेत हस्तान्तरण गरिएको थियो । कोलिय सोकोसका शेयर सदस्य तिलबहादुर गुरुङ्ग, खिमबहादुर पुन, यमबहादुर रानाको सडक दुर्घटनमा परि मृत्यु भएकोमा उहाहरुको परिवारलाई विमा रकम वापत १/१ लाखको चेक हस्तान्तरण गरिएको थियो ।
0
0
