लागु पदार्थ दुव्र्यसनी सम्बन्धी तीन दिने कार्यक्रम

देव पचभैयामगर

पाल्पा, असार २९ – पाल्पामा लागु पदार्थ दुव्र्यसनी सम्बन्धी तीन दिने सचेतीकरण कार्यक्रम भएको छ ।

नेपाल मगर बिध्यार्थी संघ जिल्ला समिति पाल्पाको आयोजना र आदिवासी जनजाति जिल्ला समन्वय समितिको व्यवस्थापनमा तालिम भएको हो । तालिममा ५० बढीको सहभागिता थियो । सोमबार शुरु भई बुधबार सम्पन्न भएको तालिममा लागूपदार्थ दुव्यसर्नी, सामाजिक विकृति, विसंगती र यसका समाधानका उपाए लगाएतका बारेमा सचेतिकरण गरिएको मगर बिधार्थी संघ पाल्पाका अध्यक्ष रुपा थापाले जानकारी दिनुभयो ।

तालिममा नेपाल आदिवासी जनजाति महासंघ जिल्ला समन्वय परिषद् पाल्पा का संस्थापक अध्यक्ष एवं निर्देशन समितिका संयोजक गम बहादुर थापा र अधिवक्ता केहर सिह रानाले सहजीकरण गर्नुभएको थियो ।