६ गोर्खा राइफल्सले २०० को बर्षगाँठ मनाउने

बेलायत  , १४ फेब्रुअरी  ६ गोर्खा राइफल्स २०० बर्ष पुगेको उपलक्षमा ६ गोर्खा राइफल्स यसोसियनले २०० बर्षको बर्षगाँठ मनाउने तथा दरबार डे सम्पन्न पोखरामा गर्ने भएको छ  ।

   ६ गोर्खा राइफल्स १८१७ मा भारतको उत्तरी सामुमा पर्ने भूभागमा रहेको बिद्रोहीहरुलाई दबाउनको लागि स्थापना भएको थियो । ६ गोर्खा राफल्सको शुरुको नाम कटक लिजन थियो । समय, परिस्थिति, बफादारिता, इमान्दारिता र कर्तव्यनिष्ठ भएको कारणले बिभिन्न कालखण्डमा बिभिन्न नामबाट परिचित हुँदै आएको भएता पनि सन. १९०३ मा ६ गोर्खा नामबाट विभूषित भएको थियो ।  ६ गोर्खा राइफल्स सदैब बफादारिता, इमान्दारिता र कर्तव्यनिष्ठ भएको कारणले सन १९५९ मा हजुर महारानीले एलिजाबेथ द्धितीएले 6th Queen’s Elizabeth Own Gorkhaa Raifle  (6th QEO GR) को नामले विभूषित गरिबक्सेको थियो ।  ६ गोर्खा राइफल्स स्थापना कालदेखी सन १९९४ सम्म बेलायत, भारत, सिंगापुर, मलेशिया, ब्रुनाई, हंगकंग कमन्थ वेल्थ र नोर्थ एटलान्टिक ट्रिटि अर्गानाइजसन जस्ता मुलुकहरुको आन्तरिक र बाइय सुरक्षाहरुमा खटेर सफलतापुर्बक महत्वपूर्ण कार्यहरु निर्बाह गरिसकेको छ ।  ६ गोर्खा राइफल्सले पहिलो र दोस्रो बिश्व युद्दमा भाग लिएको थियो ।  दोस्रो बिश्व युद्दमा र गोर्खा राइफल्सका सदस्यहरु क्या. अल्मन र राइफलमेन तुल बहादुर पुनले सर्बोच्च मेडल भिक्टोरिया क्रसबाट विभूषित भएका थिए भने ६ गोर्खा राइफल्सले बोर्नियो इमर्जेन्सी र सेन्ट्रल अमेरिका बेलिजको अपरेसनमा पनि महत्वपूर्ण भूमिका निभाएको थियो ।