नेपालको एकमात्र अन्तरराष्ट्रिय विमान स्थलको बिजोक देख्दा हरेक नेपालीको शिर लाजले निहुरिन्छ

हुम सुनारी मगर,

बोर्डिङ् समय हुनै लागेको थियो। हतार हतार अन्तर्राष्ट्रिय विमानस्थलको शौचालय तर्फ गएँ। एकजना विदेशी नागरिक नाक थुन्दै शौचालयभित्रबाट बाहिर निस्कियो। मलाई पिसाप गर्न हतार भएको थियो ( युरिनलतिर गएँ। तर, प्राय सबै युरिनलको अवस्था यो तस्बिरमा भएको जस्तो मात्रै देखेँ। एकदुई वटा मात्र प्रयोग गर्ने लाएकका थिए। त्यो पनि पालो पर्खेर बस्नु पर्ने। अत्यन्तै दुर्गन्धित शौचालय। प्रायस् सबै युरिनलहरू ड्रेनब्लक भएको देखेपछि एउटा पिसापले भरिएको युरिनललाई मेरो मोबाइल क्यामरामा कैद गरेँ।

केहि बेर अगाडी एक जना विदेशी नागरिक नाक थुन्दै शौचालयबाट बाहिर निस्केको थियो, त्यो शौचालय हेर्न मन लाग्यो। मैले तस्बिर खिच्न नसक्ने अवस्थामा थियो त्यो शौचालय। अब, आफै बुझौँ, त्यो शौचालय कति दुर्गन्धित रहेछ ।

मेरो मोबाइलमा कैद भएको यो तस्बिर शौचालय बाहिर गफिदै गरेको तीन जना महिला र पुरुष क्लिनरहरूलाई देखाएँ र भनेँ, अन्तर्राष्ट्रिय विमानस्थलको शौचालयको अवस्था यस्तो हुन्छू रु हामीलाई के भन्नु हुन्छ सर ठुलाबडाहरूलाई भन्नुस्। प्रतिक्षालयको यात्रुहरू बस्ने कुर्सीमा बसेर ति क्लिनरहरू गफिदै थिए।

विदेशको अन्तर्राष्ट्रिय विमानस्थलको शौचालयहरूमा काम गर्ने क्लिनरहरूको लागि शौचालय परिसर भित्रै बस्ने व्यवस्था गरिएको हुन्छ। सबै शौचालयहरू चौबिसै घण्टा प्रयोगयोग्य हुन्छन्। समयसमयमा शौचालय र यात्रु प्रतिक्षालय परिसरमा सुपर्भिजन गर्न विमानस्थलका कर्मचारी खटिएको हुन्छ।

अलि पर गएँ। एकजना टाइ लगाएको कर्मचारीलाई भेटें। एउटा कुरा गर्नु छ तपाईसँगू भने मैले। यूके चाहियो तपाइलाईू मलाई अण्डरस्टिमेट गर्दै अशिष्ट भाषामा सोध्यो। मैले मेरो मोबाइलमा कैद गरेको यो तलको तस्बिर देखाएँ ति महाशयलाई। यो तस्बिर देख्ने बित्तिकै उनि झस्कियो। त्यसपछि क्षणभरमै उनको अहम नेपाली कर्मचारित्व गतिविधि घाँटीमा डोरी लगाएर डोर्याएको एउटा कुकुरले जुन गतिविधि देखाउछ ठ्याक्कै त्यस्तै उनलाई देखिएको थियो। त्क्ष्ब् पेजमा उजुरी गर्नुस् न भन्दै तर्किन खोज्दै थियो । त्यसमा होइन, अब म कहाँ कहाँ हाल्छु त्यो पछि थाहा पाउनु हुनेछ भने पछि ति महाशयले दयाको भिख मागेको स्वभावमा म बोर्डेड नहुँदासम्म मलाई हेरेको हेरै गर्यो।

देशको एक मात्र अन्तर्राष्ट्रिय विमानस्थलको सार्बजनिक शौचालय, जहाँ विश्वकै यात्रुहरूले प्रयोग गर्दछन्, त्यो शौचालयले देश कै बदनाम र बेइज्जत गरेको । कम्जोरी विमानस्थल ब्यबस्थापनको हो। विमानस्थल ब्यबस्थापनले आफै क्लिनरहरू नियुक्त गरेर काममा लगाएको हुन्छ अथवा कुनै कन्ट्रयाक्टर छनौट गरेर त्यस मार्फत गराएको छ, त्यस प्रति म अनविज्ञ छु। तर, अन्तर्राष्ट्रिय विमानस्थल भित्र जसरी जनिटोरियलको व्यवस्था गरे पनि अन्तर्राष्ट्रियस्तरको सुविधा दिन विमानस्थल व्यबस्थापन सक्षम हुनु पर्छ। जस्तो नेपालका नेताहरू त्यस्तै देशको प्रशासन र कर्मचारीहरू र ठेकेदार पनि। विदेशको यात्रा गर्दैगर्दा देशको यो अवस्थाले नेपाली हुँ भनेर गौरव गर्नुको सट्टा असहज र लाजमर्दो हुँदोरहेछ।