राज्यसत्ता ब्युरो
काठमाण्डौ, फागुन २३ – आगामी बैशाख १८ देखि २२ गते सम्म हुने नेपाल मगर संघको ११ औ राष्ट्रिय महाधिबेशनको तयारी तिब्र पारिएको छ ।
नेपाल मगर संघको केन्द्रिय समितिले महाधिबेशन चितवनमा गर्ने निर्णय गरेको छ । महाधिबेशन सम्पन्न गर्न यही फागुन ३० गते भित्र जिल्ला शाखाहरुको अधिबेशन गर्ने समय तोकिएको नेपाल मगर संघका सचिब माधब दर्लामीले जानकारी दिनुभयो ।दर्लामीका अनुसार फागुन ३० गते भित्रमै जिल्ला शाखा,बैदेशिक शाखा र भातृसस्थाको तर्फबाट बितरण गरिएको आजिवन सदस्यहरुको बिवरण केन्द्रमा पेश गर्न भनिएको छ । चैत्र ६ गते अघि नै आजिवन सदस्यहरुको नामावली अध्यावधिक गरी जिल्ला र बिदेशमा पठाउने मगर संघको तयारी छ ।
चैत्र १३ गते अगावै आजिवन सदस्यहरुको नामावली सच्याउने र १५ गते भित्र आजिवन सदस्यहरुको अन्तिम नामावली सार्बजनिक गर्ने सचिब दर्लामीले जानकारी दिनुभयो ।
चैत्र २० देखि ३० गते भित्र केन्द्रिय समितिको महाधिवेशनमा सहभागीताको लागी प्रतिनिधि र पर्यबेक्षकको नाम दर्ता गरिसक्नु पर्ने अर्का सचिब एबं संगठन बिभाग प्रमुख ज्ञानेन्द्र पुनको भनाई छ । उहाका अनुसार सबै जिल्ला समितिहरुबाट संघको भातृसंगठनहरु एक जना महिला अनिवार्य गरी ३ जना प्रतिनिधि र २ जना पर्यबेक्षक सहभागी हुनु पाउनेछन् ।
प्रवासमा क्रियाशिल बैदेशिक शाखा समिति तथा बैदेशिक सस्थाहरुबाट एक जना महिला अनिवार्य हुने गरी ३ जना प्रतिनिधि र १ जना पर्यबेक्षक महाधिबेशनमा सहभागी हुन पाउनेछन् । मगर संघको ११ औ राष्ट्रिय महाधिबेशनले ३ बर्षको लागी नया कार्यसमिति चयन गर्नेछ ।
संघको केन्द्रिय पदाधिकारी निर्माण गर्दा सर्बसम्मत रुपमा समिति निर्माणको पहल भैरहेको बताईएको छ । अध्यक्षको लागी अहिले बरिष्ठ उपाध्यक्ष बसन्त घर्ती,
बर्तमान पुर्बान्चल उपाध्यक्ष गंगा बहादुर थापा, पश्चिमाञ्चल क्षेत्रका उपाध्यक्ष बालकृष्ण काउछा, महासचिब नबिन रोक्का र पुर्ब उपाध्यक्ष बम कुमारी बुढाले पनि प्रतिस्पर्धा गर्ने तयारी गर्नुभएको छ ।
सचिब द्धय ज्ञानेन्द्र पुन र माधब दर्लामीले पनि सहमतिमा नगए आफुहरु महासचिबमा भिड्ने घोषण गर्नुभएको छ ।
आगामी बैशाख १८ देखि २२ गते सम्म हुने नेपाल मगर संघको ११ औ राष्ट्रिय महाधिबेशनमा झण्डै ४० लाख खर्च हुने अनुमान गरिएको छ ।
संघको महाधिबेशन सम्पन्न गर्न सबै मगर एबं गैर मगर संग पनि सहयोगको आग्रह गरिएको नेपाल मगर संघले जनाएको छ । मगर संघका अनुसार प्रतिनिधि र पर्यबेक्षक बाट साढे ३ लाख, जिल्ला दायित्व बाट ७ लाख उठ्ने अनुमान गरिएको छ । बाँकी सबै चन्दा अभियान मार्फत सहयोग जुटाउने प्रयास भैरहेको छ ।
महाधिबेशनको लागी एकै दिनमा १० लाख बढी खर्च हुने भएकाले सहमतिका आधारमा समिति निर्माण गरी खर्चलाई घटाउनु पर्नेमा सबैले जोड दिएका छन् ।
0
0
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %