मनोज घर्तीमगर
नेपाली कथानक फिल्म ‘प्रतिविम्ब’ को पहिलो च्यारिटि शो म्याग्दीमा हुने भएको छ ।
नेपाल मगर विद्यार्थी संघ जिल्ला कार्यसमिति म्याग्दीको आयोजनमा रुची सिनेमा हल बेनी बजार माघ १७ गते विहान ११ बजे प्रदर्शन हुने भएको हो । द लाफा आर्टस इन्टरनेशनलको ब्यानरमा निर्मित फिल्म किशोर रानामगरको लेखन र निर्देशन रहेको छ । राजकुमार बगरको शब्द, संगीत र कथा रहेको फिल्मको कोरियोग्राफी कमल राईले गरेका छन्, भने द्वन्द्व निर्देशन शंकर महर्जन र छायांकन यम आलेमगरले गरेका छन् ।
फिल्ममा संचारकर्मी तथा गायक मनसुधन थापामगर, गायक कुमार राना, मिस मगर हङकङ कमला पुनमगर, पबित्र सारुमगर लगायत कलाकरको अभिनय देख्न पाईन्छ । मगर संस्कृतिमा आधारित फिल्म ‘प्रतिविम्ब’ को निर्माताहरु ज्ञानु थापा मगर, के.बी राना, नेत्र थापा, चन्द्रज्योती आलेमगर, अनिता रानामगर, छक्कु उदासी र गोमा पुन मगर लगायत छन् ।
0
0
