सुन्दरी प्रतियोगिताको देशैभरी बाढी चलेको छ । स्थानियस्तरबाट होस् वा राष्ट्रिय स्टरबाट हप्तै पिच्छे कार्यक्रमहरु भईरहेका छन् । यसैक्रममा थपिन आएको छ – मिस टिन नेपाल २०१३ । प्रतियोगितामा चाहिने युवति बटुल्न आयोजक काठमाडौंको दि फेशन प्लस देश दौडाहमा छ । शनिबार पोखरा आइपुगेको फेशन प्लसले आठ जनाको अडिसन लिएकोमा पाँच जनालाई छनोट गरेको छ । 
इभेन्ट मेनेजर मिमोह श्रेष्ठ, कोरियोग्राफर सुरज थापामगर, सौन्दर्यकर्मी एवं आईरिस हेयर एण्ड ब्यूटी केयर एकेडेमीकी संञ्चालक सोनम गुरुङ लगायत निर्णायकले पुनम सुनार, भगवति लामिछानेमगर, प्रतिमा गुरुङ, मनकुमारी पुनमगर र रिना बास्कोटालाई छनौट हुन् । काठमाण्डौं, पोखरा, चितवन, बुटवल र धरानबाट छानिएका ३५ जना सुन्दरीहरु अन्तिम प्रतिस्पर्धामा भिड्नेछन् । उनीहरुको भदौ १२ गते देखि प्रशिक्षण हुनेछ । प्रतियोगिताको अन्तिम प्रतिस्प्रर्धा असोज १६ गते काठमाण्डौंको प्रज्ञा प्रतिष्ठान कमलादीमा हुने आयोजक संस्थाका इभेन्ट मेनेजर मिमोह श्रेष्ठले जानकारी दिए ।
सविता मगर,पोखरा
0
0
