तानसेनमा जिल्ला स्तरिय रेडबुल लिग फुटबल प्रतियोगिता सुरु

देब पचभैया
पाल्पा,पौष १६, हाम्रो गोल, महिला हिंसा बिरुद्धको बोल भन्ने नाराका साथ आज बाट पाल्पाको तानसेनमा जिल्ला स्तरिय राष्ट्रिय रेडबुल लिग फुटबल प्रतियोगिता सुरु भएको छ । तानसेन टुडिखेल मैदानमा आज दिउसो एक कार्यक्रमका बिच जिल्ला खेलकुद बिकास समिति पाल्पाका अध्यक्ष धन बहादुर रानाले प्रतियोगिताको उद्घाटन गर्नुभएको हो । २९ गते सम्म संचालन हुने प्रतियोगितामा पाल्पा जिल्लाका १८ क्लबहरुले सहभागीता जनाएका छन् । जिल्लाका चिर्तुङ्गधारा, सराई, बांसटारी,प्रभास, धु्रबघाट, लगाएत तानसेन नगर भित्रका क्लब हरुले प्रतियोगितामा सहभागीता जनाएका छन् । जिल्ला फुटवल संघ पाल्पाका अध्यक्ष भिमसेन कार्कीका अनुसार अहिले भैरहेको प्रतियोगितामा प्रथम हुने क्लबको नाउमा खेलाडी छनौट गरी माघ ५ गते हुने क्षेत्रिय प्रतियोगितामा सहभागी हुन पाउनेछन् । आज भएको उद्घाटन खेलमा कल्याणकोष समिति बसपार्कले सराई युबा कलबलाई सुन्यको बिरुद्ध २ गोलले पराजित गरेको छ । भोलि दिउसो १ बजे हुने प्रतियोगितामा त्रिभुवन बहुमुखि क्याम्पस तानसेन र जनकल्याण युबा क्लब चिर्तुङ्गधारा र ३ बजे हुने खेलमा युथ युनाईटेड क्लब तानसेन र बतासे युबा क्ल्ब बिच प्रतिस्पर्धा हुने खेल संचालन उपसमितिका संयोजक मनोहर थापाले जानकारी दिनुभएको छ ।