ऐतिहासिक तथा पर्यटकीय स्थल गोरखाको लिगलिगकोटमा ३ कार्तिकमा भएको लिगलिगे दौड प्रतियोगिताको उपाधि त्रिभुवन आर्मी क्लबका समीर तामाङ्ले जितेका छन् । प्रतियोगितामा सहभागी ७५ जनालाई पछि पार्दै रामेछापका तामाङले चेपेघाटबाट पालुङटार हुदै लिगलिगकोट सम्मको कुल १३।५ किलोमिटर दुरी ५८ मिनेट ५८ सेकेण्डमा पार गरे । त्यस्तै दोस्रो र तेस्रो पनि त्रिभुवन आर्मी क्लबकै कल्याण बानिया र होमलाल श्रेष्ठ भएका छन् ।
महिला तर्फको प्रतियोगितामा गिता खत्री पहिलो, रिना कपाली दोस्रो र ङाङ्दी शेर्पा तेस्रो भएका छन् । सात किलोमिटर मात्र दौड भएको बृद्धातर्फ भने धर्म महर्जन पहिलो र महेन्द्र महर्जन दोस्रो भए । महिला तर्फ ६ जना र बृद्धा तर्फ १९ जना सहभागि थिए । प्रतियोगितामा राष्ट्रिय खेलकुद परिषदका सदस्य सचिव युवराज लामा, बरिष्ठ धावक बैकुण्ठ मानन्धर लगायतको सहभागिता थियो ।
वि.सं. १६०० साल अघि हरेक दशैंमा घले राजा छनौट गर्ने ऐतिहासिक परम्पराको सम्झाना गर्दै पर्यटन प्रर्वद्धनका उद्देश्यले लिगलिग विकास अभियान र कन्सेप्ट नेपालको संयुक्त आयोजनामा विगत तीन बर्षदेखि लिगलिगे दौड प्रतियोगिता हुँदै आएको छ ।
0
0
