२७ मे हंगकंग, फियोना हङकङको आयोजनामा याउ मा तेइ कम्युनिटी हलमा सम्पन्न चौथो नेपाली डान्स आईडलको उपाधि एलिना गुरुङले जितिन । सेकेन्ड रनर अप र थर्ड रनर अप रोमिशा लिम्बू र होम कुमारी (टीना) मगर भइन l बिजेताहरुले नगद राशीको साथमा प्रमाण पत्र हात पार्न सफल भएका छन् । चौथो हुने प्रितिका गुरुङ र पाँचौ हुने सोना राईले नगद राशीको मालाले सम्मान पाएका थिए l
नेपाली महावाणिज्यदुत बिनोद कुमार उपाध्यायको प्रमुख अतिथ्यमा फियोनाका अध्यक्ष गणेश गुरुङ र ईमेज हेयर सेलुनका प्रोपाइटर ईन्द्र गुरुङले बिजयी कलाकारहरूलाई प्रमाण पत्र तथा चेक संयुक्त रुपमा बितरण गरेका थिए । कार्यक्रम सन्चालन भिम गुरुङ र सुनिता गुरुङले गरेकी थिइन । एक जना पुरुष सहित अडिसन राउन्डमा १२ प्रतियोगीहरूको छनोट गरे पनि फाईनल राउन्डमा जम्मा ११ प्रतियोगीले प्रतिस्प्रधा गरेका थिए । निर्णायक मन्डलमा टंक राई, जौ गुरुङ, योगिता गुरुङ, राजु श्रेष्ठ र शुभास गुरुङ रहेका थिए ।
फोटो तुलसी राना मगर
0
0
