सहमतिको सरकार गठन हुने कुरा अझै अनिश्चित : देउवा

भक्तपुर २० जेठ
नेपाली कांग्रेसका वरिष्ठ नेता शेरबहादुर देउवाले सहमतिको सरकार गठन हुने कुरा अझै अनिश्चित भएको बताएका छन् ।

प्राविधिक शिक्षा तथा व्यवसायिक तालिम परिषद् (सीटीइभीटी) कर्मचारी सङ्घको तेस्रो केन्द्रीय महाधिवेशनको आज उद्घाटन गर्दे नेता देउवाले सो बताएका हुन् ।

दलहरू अझै पनि आ–आफ्नै अडानमा रहेकाले सहमतीको निश्चितता नभएको बताउँदै उहाँले दलहरूबीचको छलफललाई तीब्र पार्दै गम्भीरताका साथ अघि बढेमात्र सहमतिको संभावना हुने बताए ।

ंनेता देउवाले सहमति बन्दै गएमात्र तीन महिनामा संविधानको खाका बन्ने अन्यथा तीन महिनामा पनि केही नहुने उल्लेख गरे ।