पासपोर्ट दुरुपयोगको आरोपमा प्रकाउ परेका सभासदलाई अदालतद्धारा रिहा गर्न आदेश

काठमाडौं, वैशाख २३
जिल्ला अदालत काठमाडौंले कुटनीतिक पासपोर्ट दुरुपयोगमा पक्राउ परेका सभासदद्वय वीपी यादव र गायत्री शाहलाई धरौटीमा रिहा गर्न शुक्रबार आदेश दिएको छ ।

न्यायाधीश लेखनाथ घिमिरेको एकल इजलासले सभासदद्वय यादव र शाहलाई १०(१० हजार धरौटी लिएर मुद्धाको पुर्पक्ष गर्नेगरी तारेखमा रिहा गर्न आदेश दिएको हो ।

सभासदद्वयविरुद्ध राहदानी ऐन अन्तर्गत कसुर गरेको अभियोगमा जिल्ला अदालत काठमाडौंमा मुद्धा दायर भएको थियो ।

कुटनीतिक राहदानी दुरुपयोग गरेको अभियोगमा प्रहरीले बैशाख ६ गते उनीहरुलाई संविधानसभा भवनबाट निस्कँदै गर्दा पक्राउ गरेको थियो ।