हतियार सहित तीन जना पक्राऊ

बर्दिवास, १८ वैशाख

महोत्तरी जिल्लाको मङ्गाहा–६ सिद्धपुरमा आज प्रहरीले तीनजनालाई हतियारसहित पक्राउ गरेको छ ।

प्रहरीको गस्ती टोलीले धनुषा जिल्लाको बटेश्वर–९ का तेजकुमार महतो, बेङ्डाबर–१ का सन्तोष महतो र लक्ष्मीनिवास–२ का वसन्तकुमार महतोलाई नलकटुवा पेस्तोल एक थान र पाँच थान गोलीसहित पक्राउ गरेको जिल्ला प्रहरी कार्यालय महोत्तरीले जनाएको छ ।

पक्राउ परेका तीनैजना धनुषा जिल्लाका हुन् । पक्राउ परेकाहरु पेशेवर अपराधी रहेको जिप्रका महोत्तरीका प्रहरी नायब उपरीक्षक रामेश्वर यादवले जानकारी दिए ।

आज पक्राउ परेका तीनैजना अहमद नदाफ र मुस्तफा नदाफको हत्यामा संलग्न रहेको प्रहरीले जनाएको छ ।