विराटनगर, ११ वैशाख
विराटनगरको व्यावसायिक प्रतिष्ठानमा लुटपाट एवम् चोरी गर्नेलाई प्रहरी प्रशासनले कारबाही नगरेको विरोधमा आइतवार विराटनगर बजार बन्द गरिएको छ ।
विराटनगर बजारमा प्रहरीले सुरक्षाको प्रतिबद्धता जनाए पनि चोरी एवम् लुटपाटका घटना बढेको आक्रोसमा व्यवसायीले बजार बन्द गरेका हुन् ।
गएराति विराटनगरको मुख्य बजार रामजानकी मन्दिरसँगै रहेको अन्सारी ज्वेलर्समा ढोका र ताला फोरेर रु ३५ लाख मूल्य बराबरको लुटपाट भएको ज्वेलर्सले जनाएको छ ।
सो घटनालाई लिएर तनावग्रस्त रहेका व्यवसायीले जिल्ला प्रहरी कार्यालय मोरङका प्रमुख दीपक थापालाई भेटी अपराधीलाई तत्काल पक्राउ गर्न माग गरेका छन् ।
एक हप्ताअघि सोही पसलको नजिक न्यू नीलकण्ठ वाच पसलको ढोका फोरेर करिब रु १० लाख मूल्य बराबरको सामान चोरी भएको थियो ।
0
0
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %