पुन मगर समाज हङकङले मङकी हिल दादामा बीबीक्यू सहित नेपाली नयां बर्ष बि सं २०६८ को शुभकामना आदान प्रदान कार्यक्रमको आयोजन गर्यो । कार्यक्रमका प्रमुख अतिथि मगर संघ हङकङका निवर्तमान अध्यक्ष नेत्र पहराईमगर रहेका थिए । त्येसैगरी विशेष अतिथिमा मोना हङकङका अध्यक्ष तथा पुन मगर समाज हङकङका पूर्व सल्लाहकार दल सेर्वुजा रहेका थिए । 
उक्त कार्यक्रमको सभापतित्व पुन मगर समाजका अध्यक्ष राजु गर्वुजाले गरेका थिए । समाजका उपाध्यक्ष भेष पुनले स्वागत मन्तव्य गरेका थिए भने कार्यक्रम संचालन समाजका सचिव देवेन्द्र पुनले गरेका थिए ।
अतिथिहरुलाई मगर नाच र गीतको उल्लासपूर्ण साँझमा बाध्य पार्ने कलाकारहरुले भब्य मनोरन्जन गराएकाथिए । उक्त मनोरन्जन कार्यक्रम कलाकार रुपा चोचाङगी पुन मगरले संचालन गरेकी थिइन् । राती अबेर सम्म विविध गीत संगित तथा साँस्कृतिक कार्यक्रमहरु सहित कार्यक्रम भब्यताका साथ सम्पन्न भयो ।
0
0
