संविधान नबनाउने षड्यन्त्र भइरहेको छ : दिनानाथ शर्मा

चितवन (रत्ननगर), २४ चैत एकीकृत नेकपा (माओवादी)का प्रवक्ता दिनानाथ शर्माले समयमै नयाँ संविधान नबनाउने षड्यन्त्र भइरहेको बताएकाछन । उनले यो वा त्यो बहानामा अन्य राजनीतिक दलहरु सरकार असफल बनाएर संविधानसभालाई लम्ब्याउन लागिपरेको आरोप लगाए । उनले आज दिउँसो चितवनमा सञ्चारकर्मीसँग कुराकानी गदै माओवादीलाई संवैधानिक समितिअन्तर्गतको उपसमितिको नेतृत्व दिएर अन्य दलहरुले दोष थोपर्ने प्रपञ्च रचेकोसमेत आरोप लगाए । अहिले संविधान निर्माणका क्रममा माओवादी अग्रसर भए पनि अन्य दलहरु षड्यन्त्रमा लागिरहेको भन्दै उनले जनआन्दोलनको उपलब्धिलाई संस्थागत गर्न एकजुट हुन सबैलाई आग्रह गरे ।