भक्तपुर, ११ चैत
प्रधानमन्त्री झलनाथ खनालले जेठ १४ अगाडि नै शान्तिप्रक्रिया टुङ्गोमा पु¥याई नयाँ संविधान निर्माण गर्ने बताएकाछन ।
एमाले सम्पर्क विशेष समन्वय कमिटीले आज भक्तपुरको खरिपाटीमा आयोजना गरेको अञ्चल सम्पर्क कमिटी र जिल्ला सम्पर्क मञ्चको दुईदिने आवासीय प्रशिक्षण कार्यक्रमको उद्घाटन गर्दै उनले ५० दिनभित्र सेना समायोजन गरी शान्तिप्रक्रिया टुङ्गोमा पु¥याउने उल्लेख गरे ।
यसका लागि अनुकूल वातावरण बनाउन एमाले लागिरहेको भन्दै उनले नेपाली काँग्रेसलगायत अन्य दललाई सरकारमा सहभागी गराएर लैजाने बताए ।
प्रधानमन्त्री खनालले एमाले र माओवादीबीच भएको सातबुँदे सम्झौता अरु कुनै पार्टी र शक्तिविरुद्धको एकता नभई शान्ति र संविधानलाई टुङ्गोमा पु¥याउनका लागि भएको हो भने ।
उनले सातबुँदे सहमतिलाई शङ्कामा नहेर्न आग्रह गर्दै शान्ति स्थापना एवम् संविधानलाई टुं्गोमा पु¥याउन सबै मिलेर जानुको विकल्प नभएको बताए ।
सरकारले अब सेना समायोजनसँगै पुनःस्थापनाका कामहरु अगाडि बढाउने बताउँदै प्रधानमन्त्री खनालले संविधान निर्माणसम्बन्धी ११ वटा समितिमध्ये अधिकांश समितिबाट प्रतिवेदन आइसकेको उल्लेख गरे ।
अब जटिलरुपमा रहेको राज्य पुनःसंरचना समितिको प्रतिवेदन आउन बाँकी रहे पनि यसमा रहेको गम्भीर मतभेद हटाई सहमतिका लागि पहल भइरहेको उनले बताए ।
समितिमा तीनवटा विषयमा निर्णय गर्न बाँकी रहेको उल्लेख गर्दै प्रधानमन्त्री खनालले मुलुकको शासकीय स्वरुप, केन्द्रीय एवम् स्थानीय निर्वाचन र राज्य पुनःसंरचनाको विषयमा छिट्टै सहमति हुने बताए ।
कार्यक्रममा एमाले पोलिटब्युरो सदस्य सुरेन्द्र पाण्डे, अष्टलक्ष्मी शाक्य, पृथ्वी सुब्बा गुरुङ, महेन्द्र पाण्डे, केन्द्रीय स्कुल विभाग प्रमुख बेदुराम भुसाललगायतले प्रशिक्षण दिएका थिए ।
अञ्चल र जिल्लाका गरी २७० जनाको सहभागिता रहेको प्रशिक्षण कार्यक्रममा छवटा कार्यपत्रमाथि छलफल हुने जनाइएको छ ।
0
0
