उप समिति बैठकमा नागरिकको मौलिक हक लगायतका विषयमा छलफल

काठमाडौँ, २९ फागुन

नयाँ संविधानका विवादित विषयमा सहमति जुटाउन संवैधानिक समितिअन्तर्गत गठित विवाद समाधान उपसमितिको आजको आठौँ बैठकमा नयाँ संविधानको नामलगायत अन्य विषयमा छलफल सुरु भयो ।

उपसमितिका सदस्य माधवकुमार नेपालको संयोजकत्वमा बसेको बैठकमा नागरिकको मौलिक कर्तव्य, नेपाली सेनालगायतका टुङ्गो लाग्न बाँकी विषयमा पनि छलफल सुरु भएको समितिका सचिव टेकप्रसाद ढुङ्गानाले जानकारी दिए ।

फागुन २७ गते बसेको उपसमितिको बैठकमा नयाँ संविधानमा सर्वाेच्च र संवैधानिक गरी दुई प्रकारका अदालत रहने सहमति भएको थियो । सहमति जुट्न अब ३८ वटा विषयहरू बाँकी रहेका छन् । उपसमितिको अर्काे बैठक भोलि बिहान ८ः३० बजे बस्नेछ ।