काठमाडौ, २४ फागुन
शान्ति तथा पुनःनिर्माण मन्त्री वर्षमान पुनले शान्ति प्रक्रियालाई टुङ्ग्याउने, संविधान निर्माण गर्न उपयुक्त वातारण तयार गर्ने र जनतालाई प्रत्यक्ष राहत दिई सुशासन कायम गर्ने वर्तमान सरकारका प्राथमिकता भएको बताएकाछन ।
उनले भने – “यी तीन काम वर्तमान सरकारले पुरा गर्नेछ, यसका लागि सहयोग पु¥याउन म सबैसंग आह्वान गर्छु । ”आज आयोजित साक्षात्कारमा मन्त्री पुनले वर्तमान सरकारलाई राष्ट्रिय सहमतिको सरकार बनाउन आवश्यक भएको र यसका लागि सातबुँदे सहमतिलाई सच्याउन तयार रहेको जानकारी दिए । एकीकृत नेकपा (माओवादी) र नेकपा एमालेबीच भएको सातबुँदे सहमतिलाई खारेज गर्नुभन्दा यसमा कमिकमजोरी भए सच्याउन आफूहरु तयार रहेको चर्चा गर्दै उहाँले दुई पार्टीबीच नयाँ सरकार गठन गर्न नै सातबुँदे सहमति भएको बताए ।
मन्त्री पुनले बेपत्तासम्बन्धी छानविन आयोग गठन र सत्य निरुपण तथा मेलमिलाप आयोग गठन सम्बन्धी विधेयक अगाडि बढाउने कामलाई प्राथमिकता दिने उल्लेख गरे । शान्ति प्रक्रियाको महत्वपूर्ण अङ्गका रुपमा रहेको सेना समायोजन तथा पुनःस्थापनालाई राजनीतिक सहमतिको आधारमा अगाडि बढाइने र सेना समायोजन कुन मोडेलमा गर्ने भन्ने बारेमा दलहरु बीच कुराकानी भैराखेको उनले बताए ।
उनले सञ्चारकर्मीहरुको एक प्रश्नको जवाफमा संविधान निर्माणका लागि दलहरुबीच देखिएका असहमतिका बुँदालाई सहमतिका आधारमा टुङ्ग्याइने जानकारी दिए ।
0
0
